支爆-中國高鐵-min

中國高鐵搞出真 支爆

有一單財經新聞,香港啲傳媒好似有意故意唔講,就係中國鐵路總公司公布業績,其實負債高達五兆人民幣,去年業績有微利,係因為中國政府故意退稅做數。換言之,中國高鐵已經變成日本JR翻版,除非有辦法私有化成為大手私鐵,否則,中國高鐵隨時會搞出真 支爆 。

中國高鐵搞出 支爆 危機

雖然依家表面上,中國鐵路總公司負債佔資產65%,但有幾多係篤數根本無人知,中國政府唔准中國鐵路總公司投資馬來西亞地產項目,隨時係有防止走資嘅考慮,因為一旦大批資金出走大馬,我相信中國鐵路總公司一早已經觸發咗 支爆 ,因為一旦大馬出咗事,中國鐵路總公司未來嘅項目,再加上大馬嘅撥備,一旦爆起嚟點會係人咁品。而五兆人民幣嘅負債,係比中國好多國有銀行甚至政府部門仲要多,根本係一個匪夷所思嘅天文數字。

日本八十年代要將日本國有鐵路一拆為七,變成七間JR公司,就係因為呢筆龐大負債會玩殘政府,日本政府本來想趁日本地產大泡沫乘機刮一筆然後還債,但由於日本嘅泡沫提早爆破,令日本JR依家啲債都未還完,七間JR公司之中,最早JR東日本、JR西日本同JR東海成為大手私鐵,跟住JR九州最近至叫甩身,至於JR貨運、JR四國同JR北海道,根本係甩身無期,JR北海道好可能係搞到北海道通到札幌都未搞掂,換言之,日本政府都仲要津貼大筆現金喺窮鄉嘅鐵路服務上面。大家要記住,日本嘅底子係夠厚,JR七大公司咁搞法,最多slow burn,但依家中國高鐵果五兆點搞,我真係天曉得。

五兆嘅龐大負債,應該係點解呢個消息唔報嘅原因,大家諗一諗,如果呢個消息周圍報,香港人會點諗中國高鐵香港段嘅收入,隨時真係港鐵公司都被佢累死,大家諗吓,中國高鐵香港段一旦喺中國鐵路搞出 支爆 危機果刻變成廢鐵,屆時果啲批准中國高鐵香港段工程段果班土共,被人掟落海餵鯊魚都補唔番累香港人輸大錢嘅罪責。大家應該留意未來中國鐵路公司嘅財政報告,我相信喺可見嘅將來,一旦中國有乜財政大危機,都應該會同中國鐵路公司有關。

發表迴響

你的電子郵件位址並不會被公開。 必要欄位標記為 *