梁振英-C919-min

梁振英 你打少陣飛機唔駛死

其實 C919 無乜好寫,因為如果係認真做type certificate,特別要為進軍歐美市場,同時攞到FAA同EASA嘅type certificate,由處女航到最後攞到證書,至少要經過四至五次飛行。如果C919連FAA同EASA都做唔到type certificate,根本係枉費心機,同俄國、烏克蘭果啲客機差唔多,咁你用咁多錢最後又係益美國佬,不如唔好玩好過。點知 梁振英 呢啲死擦鞋友,咁都要攞嚟打飛機,果然係江系嘅忠實狗狗。但除非 梁振英 承諾,佢每次去北京都坐 C919,否則叫佢慳啲喇。

梁振英 咁有信心就自己去坐

首先,任何民航客機,包括日本果啲,首航都有一堆嘢要執漏,執得嚟,來來回回,試完飛又試飛,浦東機場玩多幾鑊空域管制,都未計喺北極冰測試飛行,真係要落實飛出中國以外地區,至少要幾年時間,如果要攞FAA或EASA嘅type certificate就更加係。而中國對材料科學、飛機內部電腦果啲嘢,掌握有幾多好係一個謎,所以,C919幾時正式進軍商用市場,我個人抱持極懷疑嘅態度。如果以中國攞航空公司作為走資工具嘅大勢嚟睇,C919最後有無人買都係一個疑問。甚至我懷疑C919本身,係因為有人管死啲外匯,唔俾買新飛機,所以出怪招,買晒啲美國零件,然後自己攞番嚟中國砌,美其名係國產飛機,事實上係出寨嘅A320或者類似嘅飛機,甚至美國都有提供一啲過時飛機圖紙出嚟,只要引擎果啲買美國就得。否則通用電氣點會咁搏,自己間租賃公司都買番十部至得㗎,美國人唔會咁傻仔。

當然,呢種玩法會唔會玩出事,我唔知,只不過,依家 梁振英 已經貴為政協副主席,身為國家領導人,佢好有責任去身體力行支持c919,以後每次c919試飛,同埋條仆街去北京,就次次都坐c919,最好愛黨力班五毛,全部跟埋一齊去,連埋屈穎妍、馮煒光呢啲友仔更好,由佢地去保證同支持中國民航事業嘅發展。如果佢地夠薑次次上北京都坐C919,相信中國人民,以至世界人民對佢地會有番多少少敬意嘅。

發表迴響

你的電子郵件位址並不會被公開。 必要欄位標記為 *