偽中國語-min

漢字黨 偽中國語 漢字作為字母出現

以往有一種怪論,就係漢字係中國統一嘅基礎,因為漢字,所以中國至無好似羅馬帝國咁,分成咁多個國家而無再合一,歐洲因為字母,所以嘗試再統一都好,由拿破崙、希特拉到歐盟,都無成功過。但呢個怪論,喺 偽中國語 同香港語文變成可書寫語文後,應該終止。

偽中國語 反映漢字多元性

偽中國語 ,或以前嘅漢字黨,當然有惡搞成分,但呢樣嘢出現,同Twitter嚴格執行由SMS傳落嚟嘅140字限制有關。好彩依家係Unicode時代,否則two bytes嘅日文同中文一樣,都只得七十字可以用。由於日文字母都係頗長,變成喺 Twitter 世界十分之無效率,所以抽走平假、片假名嘅偽中國語至會出現,應付Twitter嘅字數限制,特別日本人至今仍然十分之抗拒Facebook嘅時候。簡單嚟講,偽中國語,就係日文,只不過係無晒字母嘅日文,回復番二次大戰之前,官方文書儘量以漢字為主嘅狀況,而當中嘅基礎,就係文言文。五四新文化運動後嘅「現代中文」,由於無晒啲文言文基礎,其實已經同文言文為本果啲語文,包括日文同香港語文無乜關係。

大家可以睇到,所以偽中國語,基本上已經係文言文語法為本嘅語文,簡單嚟講,佢本質都係日文,如果啲人對文言文一無所知,根本係唔可能睇得明。一如我呢度嘅評論文章,啲五毛好多都唔會明,因為當成篇文章都係用香港語文寫果陣,你隻隻字都認得,就串埋一齊講乜,就真係搵鬼明喇,呢個亦可能係呢度五毛相對少嘅原因,因為啲五毛本來好難睇得明正體漢字,而香港語文同中國語文嘅語法同音調差距,比德文同荷文嘅距離仲要遠,再加上毛澤東當年選擇咗殘體漢字,將漢字嘅一統性徹底毀壞,所以漢字維持國家統一嘅神話,一早已經唔存在,如果中史科老師仲教呢種無事實論證嘅論調,咁唔該佢睇睇偽中國語係乜嘢嚟。

所以漢字準確嚟講,都只不過係一種字母,或者書寫系統,日、台、港、韓、中根本上係行緊五個唔同語文嘅國家,中國仲要堅持所謂中國統一,喺文化上,呢班友唔係白痴,就係納粹法西斯,無其他解釋。

One thought on “漢字黨 偽中國語 漢字作為字母出現

  1. 你cap果句野又唔至於完全唔明既,同中文字義一樣、句法不同啫。

    當然咁唔代表用漢字就要係同一國家。

發表迴響

你的電子郵件位址並不會被公開。 必要欄位標記為 *