舊政總-min

舊政總 重開公共空間:一早應該咁做

自董建華條仆街做特首後,董建華下令封咗中區政府合署中座同西座之間空地,以及相連停車場,搞到半山居民怨聲載道,媽聲四起。依家林鄭月娥上台後,始終可能有改善,發展局打算重開 舊政總 中座同西座空地,甚至可以當公園咁用。依家未知 舊政總 停車場會唔會變番收費停車場俾公眾使用,如果回復埋英治年代安排,對當地居民係功德無量。

舊政總 空地係炮台里重要通道

對好多半山居民嚟講,包括住麥當勞道、堅尼地道班友,你估日日行花園道好過癮,喺英治年代, 舊政總 通道未封閉前,邊駛吓吓坐12A去中環,由堅尼地道直行到上亞厘畢道,稍落下亞厘畢道,經 舊政總 就可以落到炮台里,而去蘭桂坊wet嘅人,亦可以將車泊喺 舊政總 停車場,成個安排係好合理。係董建華條仆街上台之後,至搞到啲嘢亂晒大龍,所以最早詛咒董建華日日暴斃嘅,其實好多係佢嘉慧園啲鄰居,你董建華霸晒條路唔俾鄰居行,啲人無操上嘉慧園門口圍剿佢老人家,其實已經係十分之「包容」。

依家 舊政總 空地重開,至少聖保羅男女中學學生,以至堅尼地道西段居民去中環,可以選擇直接行路,唔駛吓吓依賴隨時被皇后大道中塞車累事嘅12A,或者受果啲的士佬嘅氣,你估依家啲人好鍾意見住的士佬,早晨時間都唔一定保證有Uber嘅。當然,如果 舊政總 停車場開番做收費停車場仲好,至少啲老闆車唔會再有藉口喺中環亂泊廿四,因為講位置, 舊政總 停車場嘅位置至少某程度上補足美利道停車場嘅空缺先,喺香港,一個車位都係車位(當然唔計某位黃埔區大種乞兒,為咗自己違例泊車反對起小巴總站,我遲吓會狂數呢位大種乞兒,唔排除公布埋住址)。

其實好多時香港政通人不和,就係董建華、梁振英呢啲心理有問題嘅人搞出嚟,成日要扮晒好似共產黨攋係有權有勢,濫用權力,呢啲人,連中國古書講行王道不行霸道都唔識,仲學人講中國文化。有時候,英國人比中國人識政治,因為英國人仲係由常識角度去做政策決定,而唔係為咗自己威水去做政策決定,呢個真係水平有分別嘅問題。

發表迴響

你的電子郵件位址並不會被公開。 必要欄位標記為 *