陳國基 涉及公職人員行為失當?

蘋果日報今日篤爆,候任特首辦主任 陳國基 ,喺擔任入境事務處處長期間,多次安排入境處樂隊前往佢老婆任職校長嘅中學表演。表面上,都唔涉及乜嘢利益,但呢件有可能可以推論到 陳國基 有可能干犯公職人員行為失當嘅罪行。

陳國基 特別厚待佢老婆任教果間中學嘅問題

冼錦華對香港特別行政區嘅案件,終審法院對公職人員行為失當列出咗五項犯罪元素。

  1. 被告係公職人員
  2. 行為同佢擔任公職有關
  3. 蓄意作出疏忽職守行為
  4. 無合理辯解
  5. 有關疏忽同佢嘅公職職能,或工作性質相關

而相關失當,當事人有無造成政府損失,或當事人有無實質得益,無關要旨。

呢個係澳洲籍非常任大法官梅師賢爵士(Sir Anthony Mason,前澳洲首席大法官)所立嘅準則,依家根據冼錦華案嘅準備,去量度一下, 陳國基 喺擔任入境事務處處長期間,咁樣用入境處嘅樂隊,用喺佢老婆間學校度,成件事有無可能構成普通法下係公職人員行為失當:

  1. 入境事務處處長係公職人員
  2. 入境事務處樂隊嘅成員都係 陳國基 轄下,於案發時
  3. 也多次派出下屬及入境處樂隊到該校作表演及主禮不同活動,有關人士後來均獲升職為助理處長。明顯蓄意行事
  4. 無合理辯解,點解唔係其他學校受關顧,例如紅十字會甘迺迪學校,可能更需要喇
  5. 有關疏忽明顯影響公眾對入境事務處行事公正程度嘅信任

我唔係法官,但純粹就冼錦華案所羅列嘅五項準則嚟睇,至少有合理懷疑 陳國基 干犯咗普通法之下公職人員行為失當,如果係咁嘅話,係唔係應該搵人去廉署舉報,等廉署查到,認為 陳國基 乾淨,至可能出任特首辦主任, 陳國基 做入境處處長期間,都可以咁樣做嘢,咁樣,如果 陳國基 可以做特首辦主任,咁呢條友又打算可以用作為特首辦主任嘅便利,幫佢做校長嘅老婆,甚至佢其他親友可以做啲乜嘢呢?大家諗起都心寒。

林鄭月娥對上一鑊用麥齊光做發展局局長,雖然最後終審法院還麥齊光清白,但只係做咗十幾日就搞到落台,已經搞到政府一地都係,依家 陳國基 ,分分鐘情況仲衰過當年麥齊光,畢竟當年麥齊光嘅做法係有合理辯解,但依家 陳國基 果啲,係乜嘢玩法嚟。點解啲政客,完全無諗過掘落去?

發表迴響

你的電子郵件位址並不會被公開。 必要欄位標記為 *