捐血-min

捐血 係應該,但啲血去咗邊?

由醫管局管理嘅紅十字會 捐血 中心,又發出血液庫存低嘅警告,呼籲市民踴躍去 捐血 ,去應付醫療系統對A、B、O型血嘅要求。血庫緊張,我都認為市民應該要踴躍去 捐血 ,畢竟你唔知幾知因意外重傷而需要血,唔能夠因一啲未經證實嘅傳聞而唔捐,呢個對自己都太危險。只不過,醫管局喺處長善長捐出血液方面有無透明度,本身都係必須解決。

捐血 如果捐俾中國啲狗官會無人想捐

依家紅十字會一出 捐血 呼籲,好多市民都有保留,因為有傳聞指香港血庫血液用得咁快,因為私家醫院用晒去醫啲中國醫療旅遊遊客,而大家都知呢啲遊客,唔係雙非孕婦就係中國狗官,我想問邊個市民想自己捐嘅血用喺呢啲人身上至得。所以醫管局係有必要向公眾交代,香港各大私家醫院,喺過去五年攞咗幾多單位嘅血,公眾唔難知道呢啲私家醫院,有幾多係雙非醫院,或者係專醫中國狗官及其家眷嘅醫院。如果呢啲醫院攞血攞得太多,香港公眾係有理由,要求醫管局嘅血庫拒絕供應血液俾呢啲醫院嚟自中國嘅病人。

另一個傳聞,係啲好似香港醬聞呢啲,偷咗人嘢又唔credit番嘅死content farm傳(我大概查到邊件仆街搞,我下午會爆),話果啲血都係運返去中國,因為中國啲有償捐血唔可靠,好多都係受污染血液,佢地怕怕,所以要香港運血液上去。其實中國唔只血液唔可靠,而係成個系統都唔可靠,香港啲血運到去,以中國人果種求其處理冷藏血製品嘅態度,都係死路一條。所以我傾向相信,啲狗官係親自嚟香港求醫,多於香港啲血液運過去。無錯,依家係一個陰謀論滿天飛嘅年代,但陰謀論係唔係合理,都要經過邏輯同常識嘅考驗,唔係啲content farm扮係本土立場,你就要信,然後俾佢地呃你嘅click同google嘅廣告費。一如大榴槤都可以扮到好本土派,但最後大家一查大榴槤嘅老闆,原來係去新加坡留學嘅中國五毛,你就知任何content farm傳嘅嘢,你都要抱持十足懷疑嘅態度。

但無論如何,醫管局想香港人安心 捐血 ,唔該先交代啲血係邊啲人用,請用數據說服公眾。

發表迴響

你的電子郵件位址並不會被公開。 必要欄位標記為 *