特首辦主任-min

陳國基做 特首辦主任 邱騰華做硬政務司司長?

真係一如傳聞所講,陳國基被委任為 特首辦主任 ,大家都知,入境處已經變成共狗訓練基地,相信會更多高官嚟自入境處。香港由呢班Home Office訓練出嚟嘅友嚟管都幾危險,你聽過做Home Office會做到做首相未(Theresa May係內政大臣出身,但佢本身係MP,唔係Home Office啲officer)。但依家做緊 特首辦主任 果個叫邱騰華嘅仆街,日後嘅去向,至係大家最擔心。相信好大機會一如傳聞,由依家嘅 特首辦主任 邱騰華做政務司司長。

邱騰華果種好打得可以配合林鄭月娥

張建宗雖然依家係坐正嘅政務司司長,但我睇林鄭月娥果種好鬥性格,張建宗呢種不求有功,但求無過嘅個性,唔係好啱林鄭月娥嘅口胃。相反,邱騰華雖然無出聲多年,但佢做環保局局長果種,明知果啲政策係仆街都要行落去嘅強硬態度,確係同林鄭月娥夾好多。加上邱騰華過去五年做 特首辦主任 ,基本上,過往梁振英點做,以及政策大方向,佢十分之瞭如指掌。如果林鄭月娥並唔係實權特首,佢只不過係CY 2.0嘅話,咁邱騰華赤膊上陣,由佢執行果啲無咗梁振英嘅梁振英政策就十分之適合。相反,陳國基呢啲友仔做 特首辦主任 ,純粹係因為聽話兼滑頭,耍民主派同林鄭月娥唔熟啲友仔太極用。

所以我睇,未來一年,政府一定硬仗連場,因為林鄭月娥同邱騰華實唔會同你休養生息,而係有咁盡殺到咁盡,好多仆街政策,好可能喺暑假之後就陸續刊憲上立法會,再加上,依家立法會主席、財委會主席都係一啲冚家鏟嚟,而葉劉淑儀亦證實只不過係一個戀棧權力嘅無用鬼,泛民26席加田北辰1席,甚至鍾國斌都企埋泛民果邊,都唔夠飛擋住啲政府無理政策,尤其係泛民戰鬥意志不足,你睇財委會迪士尼表決就明,就係泛民有人唔生性無去投票,希師奶自己出嚟幫泛民投反對票都無用。我要提醒泛民,必須要醒醒定定開足會,而依家未DQ但正DQ果四條友,我係最後一次勸他們,當幫自己,主動出手幫埋游蕙禎同梁頌恆,提早結束不必要嘅DQ戰爭,亦至少令泛民兩張飛重返議會。依家係打仗嘅時候,左膠唔醒,我會寧願其餘四席一併DQ埋再補選過算。

發表迴響

你的電子郵件位址並不會被公開。 必要欄位標記為 *