KOL-內容農場-min

KOL 與內容農場

最近Google開始執行針對內容農場嘅政策,果啲可信度低,或者經常被user block,或者google adsense廣告太多嘅網站,都會喺ranking裡面排行低。只不過,打擊內容農場,仍然有賴網民嘅合作,特別係 KOL 。點解咁講,你睇高慧然share錯內容農場嘅post,就知乜事。

KOL 自己為內容農場加持都唔知

KOL-內容農場-min
KOL-內容農場-min

好似呢篇高慧然share嘅文章,表面上無乜殺傷力,cocomy.net嘅文,高慧然作為 KOL ,只要同本土派議題脗合就得喇。錯喇,因為 KOL 一share內容農場嘅嘢,變相係提高呢啲內容農場嘅trustrank數字,由SEO角度,即係你班 KOL 幫大榴槤呢幫人加持,事實上,就係與助長五毛同內容農場無異。所以我依家唔喺個page share link,我私人facebook戶口share link,喺取態上都極為審慎,除咗好容易喺fake news上中招外,亦都怕為一啲內容農場加持。

另一方面,依家trustrank有一個盲點,就係班五毛好可能用大批假用戶,惡意report你係fake news之類,去打擊你嘅ranking,美國會work嘅honour system,喺華人社會係幾乎會變質,一如維基百科一到華人社會,就變成中共五毛加國民黨網軍大合唱一樣,完全喪失晒公信力,但Google中文仲係信中文維基,造成十分大嘅傷害。好可能要喺中共倒台後,搵晒國安啲檔案,同書生黨班友大清算至可能撥亂反正。所以喺依家,亦要大力打擊果啲假用戶,特別facebook假用戶,近日中共啲假用戶亦空群而出,所以facebook remove呢班粉腸都remove到手軟。但簡單嚟講,我係唔會等五毛嚟郁我,只要有懷疑五毛,話知你喺第二啲人嘅page留言,follow我,甚至like我,一筆出手殺無赦,因為中共呢班五毛,根本係一班無人性嘅網絡殭屍嚟,除咗污染網絡環境,根本一無是處。

但 KOL 嘅責任,就係為自己share嘅嘢好好把關,就已經功德無量。

發表迴響

你的電子郵件位址並不會被公開。 必要欄位標記為 *