奈良鹿-min

奈良鹿 係法西斯?定你班中國遊客唔生性

講研究中國遊客有幾神憎鬼厭,相信我都係專家,喺《聯合早報》寫中國遊客喺香港同台灣點闖禍,被五毛譏為鼻屎國港燦。但依家唔只我呢個鼻屎國港燦對你班中國遊客有意見,根據奈良縣政府統計,百分之八十七遇到鹿襲擊嘅遊客都係中國遊客。 奈良鹿 以馴良聞名(雖然頗為現實),咁都激得嬲,都可以諗到中國遊客係幾唔生性。

奈良鹿 都可以激嬲,仲有乜人可以激嬲

講影動物,好似我啲笨手笨腳嘅人,一般好有難度,但要 奈良鹿 坐定定影張沙龍照唔難,其實餵食 奈良鹿 ,喺指定攤檔果啲鹿餅去餵,友善咁摸鹿個頭或身體,其實 奈良鹿 係好馴良,同香港人一樣。其實要激到 奈良鹿 襲擊人類,真係好難嘅事,更何況 奈良鹿 只不過係鹿,唔會識認你係日本人、中國人、香港人定英國人,點解 奈良鹿 嘅襲擊對象裡面,咁準確有百分之八十七係中國遊客。無錯,其實同中國遊客激嬲香港人同台灣人嘅原因係好相似,基本上, 奈良鹿 被激嬲,係同中國遊客果種唔尊重動物嘅品性有關。

首先,果啲俾鹿食嘅餅,賣出嚟係有原因,一方面係安全俾鹿食,另一方面,係亦令鹿食咗唔會有脾性問題。你去馬騮山餵馬騮都唔會亂咁餵,有啲中國遊客,係夠膽死攞啲紙去餵鹿,呢個係好有問題,無錯,鹿可以食紙,一如嚴島神社啲鹿,有啲都會食紙,甚至我試過被追住食地圖。但總體嚟講,你俾鹿食紙,啲鹿唔鍾意就出事,所以,唔該,老老實實餵鹿仙貝就得。

另外,啲中國遊客好鍾意餵鹿果陣調戲啲鹿,例如專登攞高啲鹿餅,等啲鹿攞唔到,呢種有如土耳其、納粹德軍或日本皇軍面對饑民細路嘅態度極差,呢啲遊客應該公開拍片譴責,俾鹿咬或俾鹿撞無上YouTube算呢班友大命。呢啲玩法係唔值得可憐,簡單嚟講,手上有鹿餅就快快俾佢地食就得,或者俾佢地靜靜咁食再影相就好,動物都要基本尊重。

但更大鑊,係果啲唔知死嘅遊客,走去搞啱啱出世果啲鹿BB,唔該,搞人地細路,話之你鹿定係人,一定同你死過,呢個係動物本能嚟。我暫時未見香港遊客出事,可能同新假期未出任何同 奈良鹿 有關嘅攻略有關。但我諗日本政府可能需要派識講華語嘅人,巡邏同喝止啲遊客亂嚟。

奈良鹿-min
奈良鹿-min

呢張奈良鹿沙龍照,係幾年前我自己影

Sony A7
Carl Zeiss Planar 50 1.7 T* (CY Mount)

發表迴響

你的電子郵件位址並不會被公開。 必要欄位標記為 *