橫洲-收地-min

政府咁趕要收 橫洲 土地做乜?

政府喺未刊憲嘅情況,根據《收回土地條例》作出公告,要收番 橫洲 土地用嚟起公屋。表面上,同梁振英呢條仆街啲私人利益並無關係。但當然,知道 橫洲 事件係乜一回事嘅人,就完全會質疑,喺 橫洲 事件當中利益問題未搞清楚果陣,點解要咁急收番 橫洲 嘅土地。

橫洲 新世界塊地好重要!

其實 橫洲 真係要解決公屋問題,點解唔解決咗 橫洲 果堆由新界原居民霸佔嘅棕地先,我相信,如果政府有決心收地,好似對付 橫洲 非原居民村咁收嘅,以行政霸道、優勢警力,甚至留番監倉俾班新界仆街原居民,無話搞唔掂。但依家就係,政府地政總署,繼續任由班原居民霸佔官地搵銀,而 橫洲 成個規劃問題背後嘅黑幕,到依家仍然未查清楚,政府就要收番 橫洲 果啲非原居民地,聲稱要起公屋。但大家都知道,新世界喺 橫洲 非原居民地隔離,係將會有豪宅項目,咁係唔係因為新世界嘅項目要上馬,或者梁振英要喺林鄭月娥上任之前,找咗新世界啲利益數,所以就唔理三七二十一,見到市民好似唔記得咗 橫洲 事件,而負責主理 橫洲 事件嘅國會議員朱凱迪,因為係左膠關係,得罪晒啲薯片黨同lesser evil支持者,亦得罪咗本土派,又要應付DQ問題,唔得閒理梁振英,所以要急急搏懵。以依家政府又粗疏,又擒青嘅做嘢手法嚟計,梁振英為新世界利益行事嘅機會好大。大家要記住,依家 橫洲 嘅special task force係由梁振英自己做主席,而財爺依家係陳茂波,劏房波係啲乜嘢人,大家心裡有數。你話拆 橫洲 呢啲村落唔刊憲,同政府找數無關,你叫公眾點信呢個政府。

如果林鄭月娥係有決心,有魄力解決棕地問題,佢應該自己搵梁振英,喝停呢件事,搵銀應該行遠啲。但好明顯,未來五年有實權果個,並唔會係林鄭月娥,而係梁振英、劏房波為核心嘅搵銀集團,佢地為咗搵銀,無最核突,只有更核突,有乜鑊就由林鄭月娥自己承擔晒,最緊要係中聯辦相關嘅搵銀集團搵到真銀。要停止呢種情況持續惡化落去,我諗只有支爆,啲地產商同中國公司集體仆街,房地產市場仆直,由上天去懲罰呢啲人。

發表迴響

你的電子郵件位址並不會被公開。 必要欄位標記為 *