德意志銀行-海航集團-min

海航集團做 德意志銀行 大股東?支爆堅近

據Bloomberg報導,海航集團走資走到傻,竟然走去做 德意志銀行 大股東。當然,我明白支爆將近,走去買間外國銀行返嚟走資係有必要,所以如果班友走資走到收購HSBC我都唔意外。但海航集團揸百分之十 德意志銀行 ,咁就真係支爆將近。因為隨時支爆,就係呢間銀行搞出嚟嘅蘇州屎引爆出嚟,一旦爆起嚟,香港人真係走夾唔抖。

德意志銀行 係一隻大炸彈

我去年都講過, 德意志銀行 、HSBC 同Credit Suisse三間,係被人賭緊破產嘅銀行,其實喺去年IMF,都評定 德意志銀行 係全球最危險嘅銀行嚟,你依家入間全世界最牙煙嘅銀行做主要股東,一旦 德意志銀行 真係變咗雷曼翻版,你海航集團班大帝係唔係要攞晒全中國嘅外匯儲備填氹先,我驚屆時一係海航集團渣都無,一係海航集團侷住要沽晒香港啲地皮嚟救命,屆時香港樓市仲唔投奔怒海?當海航集團係咁做啲高風險投資膽搏擔果陣,不單反映支爆危機嘅實在性,而且一旦 德意志銀行 大爆發,連鎖反應一定反映喺中國嘅金融系統上面,屆時情況一定十分之瘋狂。我完全唔明,點解習近平會俾呢啲賭撚級嘅投資出現,賭贏咗唔一定賺大錢,因為依家i-bank係越嚟越搵食艱難,而 德意志銀行 嘅系統風險高成咁,都好難搵食搵得好,但輸咗,就真係連埋條撚都輸埋,我相信依家中國嘅領導人,果個唔係陶國能嘅替身嚟嘅嘛?

所以依家香港人做投資果陣,唔好當支爆係吹水,因為依家海航集團將自己同世上最危險嘅銀行 德意志銀行 綁埋一齊,中國嘅風險系數已經係非比尋常咁高,再加埋中國自己啲國有銀行都十分之唔可靠,呢次爆起嚟,並唔係日本八十年代泡沫經濟爆破咁簡單,呢次中國經濟大爆破對金融系統嚟講,係足以製造一場核爆級大災難。決定越瘋狂,死得越淒慘,日本人當年買洛克菲勒廣場幾霸氣,結果你依家睇日本係爆到依家都未收到科,我諗日本經濟至少要沉多十至二十年,仲要同步引進一定質素嘅移民,以至再進行一次維新,至可能再起。中國?我真係留名睇呢場大爆炸,最終點收到科。

發表迴響

你的電子郵件位址並不會被公開。 必要欄位標記為 *