港人講地-抄上抄

港人講地 變咗維穩Content Farm,出事係正常

港人講地 最近有篇署名由劉國勳寫嘅文,竟然發現係立場新聞同AM730嘅博客金融loser嘅文,結果被人發現膠爆之後, 港人講地 認衰仔自己攞走篇文,話係自己搞錯,唔係劉國勳嘅錯。其實我都傾向係 港人講地 自己膠出事,因為依家由土共到熱普城相關人士,都以為搞網媒就係搞content farm,周圍抄嘢就可以呃traffic,呃廣告,結果好十分之易出事。

港人講地 學咗content farm維穩

其實依家香港做網媒嘅心態,本來都好唔健康,東抄西襲嘅太多,由立場新聞到經濟日報 topick都係,否則唔會出現我或者膠事錄總裁呢啲方丈,我直頭係故意將呢度嘅文寫得粗鄙啲,結果東龍洲大批中國遊客為患嘅相,人地朋友只係想提供俾我,香港醬聞攞去抄(香港醬聞係oneskyone嘅人,我相信喺反赤化、反殖民個group裡面嘅人,唔該果條友俾番credit,否則我一定搵番果條友出嚟算賬)。只不過,依家已經發展到,啲五毛為咗呃維穩費,以為可以喺網上周圍撈文呃traffic,仲有google adsense錢落袋,首先出現呢種卑鄙營運模式,應該大榴槤,一面煽動港中矛盾呃traffic,一面狂放五毛式民族主義content,如果唔係我喺咁打大榴槤班仆街,甚至report佢地部分account,我估呢啲污染地球嘅嘢仲喺度。 港人講地 喺深圳營運嘅,梗係想有樣學樣,結果當然膠到無朋友收場,因為依家網民都好憎啲content farm,你抄文抄得太揚,點可能無人發現至得。

無錯,我都算係一個傻仔,我每天寫字量其實係四千字至一萬字,只不過我一條友做。做網絡媒體嘅王道,始終係原創,而唔係一味做抄抄子,呢次 港人講地 膠爆,除咗 港人講地 平日都得罪人多,稱呼人少之外,公眾對抄抄子嘅容忍亦都係有一個限度,如果公眾係咁篤爆啲扮網媒嘅content farm,其實並唔係一件好玩嘅事。呢次 港人講地 出事只不過係俾土共一個警告,如果班友想用 content farm式內容flood大家個news feed,大家係一定會有反應。

發表迴響

你的電子郵件位址並不會被公開。 必要欄位標記為 *