AIG半國有化

美國聯儲局做了一項政治決定干預市場,那是將AIG國有化,注入八百億美元資金,換取是以AIG資產和認股證做抵押,這與半國有化AIG分別不大。

當然,這個決定必須要做,因為連AIG都傾倒的話,不單涉及大量香港、美國民眾人壽保險,以至退休金,政治後果很嚴重,而且有很多日常生活經濟運作都涉及保險,光想到一街都是沒有第三保的車四處跑,都已經膠到無朋友。因此,美國財政部和聯儲局半國有化AIG,可以理解。

不過,AIG這件事茅頭直指Credit Default Swap,一種唔多受監管兩家對賭的信貸掉期合約,簡直嚟講係,如果相關嘅債務無事發生,甲方就會俾一筆合約上約定嘅錢,通常唔大的。如果筆債務出咗事,例如有公司被人入咗Chapter 11,或者信貸評級跌到違約風險大增,乙方就要賠水俾甲方。而成街CDS,都係Over the Counter交易,監管鬆好多,最多Bloomberg機到出現買賣報價。呢種本來用嚟對沖風險的衍生工具,一如其他衍生工具,已經變咗賭博工具,所以被拎去監管係遲早問題。

後話:因為我理解可能有錯,請其他江湖高人多多指正。但依家都黐線,Swap之上,仲可以整Option上去,真係馬會都無呢班友咁叻。

3 thoughts on “AIG半國有化

  1. 撇開簡單如個人保險唔講﹐AIG的瓣數好多也做好多“大刁”﹐包括為銀行業務、石
    油公司的設施、航空公司的飛機﹐美國人買的彩票(lottery)彩池﹐以及荷李活電影
    製作承擔風險。如果AIG收皮﹐仲有變間保險公司有份量可以擔保﹖AIG破產將影響
    各行各業﹐不單只美國﹐更會影響全世界﹐到時就真係會見到全球的經濟衰退﹗

  2. Credit Default Swap 好似講緊係六十萬億美元,這個世界哪有機構頂得住?

    AIG 係做保險,其實可以要求保險一定要拿債仔的抵押品來索償,這些抵押品一文不值,但係擁有債仔抵押品的人係真正放債人,投機用途已經大大無左。

發表迴響

你的電子郵件位址並不會被公開。 必要欄位標記為 *