郭文貴-min

郭文貴 大攬炒:佢想點

郭文貴 呢位中國通緝犯,周圍爆料,爆到美國之音中文組大地震,只不過, 郭文貴 似乎未想令件事停,搞到美國之音一鑊都係之後, 郭文貴 又大爆香港國安人員嘅人數同行事地點,甚至殖民策略,如果有人有心挖落去,甚至外國情報部門認真係監視一下,呢次成棚國安真係跳海都唔掂,令人十分之疑惑係,究竟 郭文貴 呢次大爆料究竟想得到啲乜,呢條友為特定權貴服務、亂噏廿四,定係呢條友根本係無定向炸彈嚟,係中國政壇金正恩式人物。

郭文貴 四處放料 四處勒索

我相信 郭文貴 嘅料有番一定準確度,太流嘅料亂咁爆只會令佢無故人間蒸發,佢爆到堅料至保護到自己,而美國之音無故中斷廣播之謎,我唔論斷誰是誰非,我相信FBI人員,會進一步調查VOA內部發生緊乜事。但上次 郭文貴 大爆習近平查緊王岐山,似乎未得到佢想要嘅嘢,至少無任何一個派系願意同佢達成任何嘅協議,所以亦因為咁, 郭文貴 先喺香港攞一批國安人員去攬炒,兼打心戰,話俾呢批國安人員聽,你班友點忠心於中共都係死路一條, 郭文貴 想要嘅嘢,唔可能只係cancel interpol 張 red notice咁簡單, 郭文貴 想要乜,一日搞唔清楚,呢個知道好多中共內幕嘅政治無定向炸彈,就會繼續玩自殺式襲擊,直至中共有任何派系同 郭文貴 合作為止。相信依家中共領導人至意識到,喺國安人員呢方面,依家已經養虎為患,一如蘇聯倒台之後,普京一類前KGB將領一樣,佢地西方同共產世界嘅遊戲都識玩,而且玩得十分之熟手,所以依家中共完全無人識得同 郭文貴 玩落去,因為 郭文貴 會繼續玩大攬炒,無定向咁向任何一個中共派系進攻,直至佢攞到想要嘅嘢為止。當然,我亦都相信, 郭文貴 好清楚自己嘅安全處境,如果北京有人想暗殺佢滅口,呢個完全唔出奇,因為呢條友亦明顯知得太多。

郭文貴 條友只不過係一場大戲嘅序幕,而呢場大戲,係唔係中共內部瓦解嘅大戲,好快就會揭曉,當中共內鬥鬥到連國安駐外人員全部一嘢曝晒光嘅時候,呢場權鬥確係一場你死我亡嘅權鬥,好多就一街都係屍體。

發表迴響

你的電子郵件位址並不會被公開。 必要欄位標記為 *