紅綠燈-延長-min

拍八達通延長 紅綠燈 ?咪玩喇

過往有區議員爭取 紅綠燈 延長兩秒,引為笑柄。只不過,有啲咁弱智嘅訴求,因為有啲阿婆,認為 紅綠燈 多兩秒佢俾過馬路係重要。所以近年,已經好多地方嘅行人天橋加設電梯,避免果啲行人膠為患,引發車禍。只不過,似乎以老人家代表為已任嘅區議員唔心息,政府回應訴求,竟然諗出殘疾人士同長者個人八達通持有人一拍卡, 紅綠燈 過路時間即刻延長,睇嚟呢項科技一引進,香港交通大亂真係可以預期,屆時全港實有啲無厘頭塞車事件,膠到完全無朋友。

紅綠燈 時間唔係俾行人任意控制

我明有部分老人家點解想要 紅綠燈 延長,因為有部分老人家有腳痛問題,企喺度辛苦,但又未到要用輪椅嘅地步,所以唔想坐電梯上行人天橋,就想 紅綠燈 俾佢地嘅過路時間長一啲,我明白佢地嘅情況,但呢個訴求極為自私,因為 紅綠燈 嘅時間唔係亂定,而係有調節交通流量嘅作用,而要搭車嘅人,亦唔只係有私家車嘅人,仲有好多市民依靠小巴、巴士等會用馬路嘅公共交通工具。如果有一堆老人家,係咁任意調節 紅綠燈 嘅時間,我都幾肯定最後香港交通一定亂過亂世佳人,所以我認為呢個試驗計劃,邊個膠議員夠膽話成功爭取,邊個就會被全香港嘅司機以至公共交通使用者詛咒祖宗十八代。因為呢個建議實在太唔顧大眾需要,要關注弱勢,並唔代表可以任意犧牲大多數人嘅正常生活,呢個亦係點解香港啲老人家,好多被人鬧爆係廢老嘅原因。

無錯,有部分交通燈位,過路時間係有必要檢討,因為有啲短到連我呢啲正常人都嫌佢太快,甚至可能乾脆興建行人天橋,取消 紅綠燈 燈位更實際。殘疾人士嘅拍卡位,仲可以值得考慮吓,因為盲人或者輪椅使用者,有充分理由需要更長燈位,而人數亦唔會去到擾民嘅程度。但如果長者個人八達通持有人要享有呢項服務,係必須要得到醫生證明,並且向運輸署個別申請,運輸署長喺審視過醫學報告後,至可能批出呢項特權,如果個個長者個人八達通都可以用呢項特權,我恐怕真係大家會鬧爆運輸署都似。呢個問題上,似乎由醫生去把關會比較恰當,咁樣至做到平衡各方利益。

同埋有咗呢項科技,唔該唔好再有膠議員爭取延長 紅綠燈 時間做政績,拜托。

One thought on “拍八達通延長 紅綠燈 ?咪玩喇

  1. > 甚至可能乾脆興建行人天橋,取消 紅綠燈 燈位更實際。

    呢樣其實不大可能,因為人係習慣平面過馬路,所以有天橋隧道既位往往仲係有大把人橫越路面。你唔畀個燈位佢過,佢只會直接行路面,然後就一大堆「炮彈飛人」出現。你鬧佢好咒佢好都冇用。
    (當然有D人有燈位都照亂過就唔關人事了)

    好似太空館前面個燈位,曾經取消左要人兜老遠過馬路搞到民怨沸騰,最後都要開番燈位,這是後話。

發表迴響

你的電子郵件位址並不會被公開。 必要欄位標記為 *