陳肇始-回歸殺人-min

陳肇始 死都唔撥錢俾罕見病人反映土共草菅人命心態

罕見病藥物問題,依家似乎會越搞越膠,依家罕見病病人已經落最後通牒,如果仲搞唔掂其中四隻罕見藥物症嘅資助問題,7月1日著黑衫上街。 陳肇始 依家要解決呢個問題,否則實膠爆。政府寧願大量撥錢俾「回歸」活動,區議會班仆街自己撥錢俾自己,都唔俾資源 陳肇始 解決罕見病人嘅問題,其實係反映土共果種利益要歸自己,懶理他人死活嘅草菅人命心態。

土共當公帑係私產

中國獨裁政黨有一種心態最仆街,就係國庫通黨庫,將公帑流入黨產,或政客私人口袋,跟住攞去落格,並且用嚟作為政治資源,俾自己坐大。國民黨過往就將沒收返嚟嘅日本資產,作為黨產,一方面令國民黨有充沛資源,另一方面,國民黨啲政客當中袋咗幾多,真係無從稽考。而共產黨喺呢方面都差唔多,國有企業賺嘅錢,都會流入中共袋裡面,跟住有幾多人貪污真係無人知。對獨裁政府嚟講,係無公共資源呢個概念,佢地只係將Other People Money當係自己嘅錢,所以最緊要嘅事,唔係救罕見病病人,而係透過呢啲賀回歸活動,可以從中撈到幾多油水,呢個至係最重要嘅。所以大家可以見到,醫管局嘅budget被人cut,但效益成疑嘅政治活動就budget源源不絕,正正係因為土共呢種無公共心態嘅財政態度所致。

所以,罕見病病患嘅財政問題,係有必要追殺落去,應該將果啲用嚟俾土共做蛇齋餅糭嘅錢,攞番返嚟救咗呢啲病人先都好,益藥廠好過益人渣,呢個係香港人要「餓死」土共應持嘅態度,呢個都係一個lesser evil嘅問題,益藥廠,最多係益咗海外嘅一啲商家,但益土共,呢啲土共就會用嚟壓迫香港人,或者將啲錢送入自己個袋度,咁你會點揀。甚至大家要追殺好多民生事項,要政府同土共嘔番果啲錢係一啲民生項目上,呢個係最基本最基本,用政治嚟迫土共嘔錢,啲仆街會用唔好咁政治化誤導市民,但如果用民生議題嚟追殺班土共,咁班土共就唔可以用政治化呢個誤導嘅藉口,藉此想甩身。有時候,你唔能夠吓吓屌柒啲群眾,有時候,係要轉一轉彎,順便造福基層百姓。

發表迴響

你的電子郵件位址並不會被公開。 必要欄位標記為 *