明光社-蔡志森-min

香港人夠唔想 明光社 搞神權,又唔見 明光社 自己收皮

關於同性婚姻問題,由於最近有case, 明光社 又發音, 明光社 話好多調查都顯示公眾唔接受同性婚姻嘅,亦唔係好多國家接受同性婚姻。 明光社 呢啲有違事實,亦唔知個source喺邊度嘅論調,又一次逆向操作,激起更多公眾支持性傾向歧視立法。

明光社 搞神權最乞人憎

首先,依家大部分歐盟國家都已經承認咗同性婚姻,係波蘭、拉脫維亞同立陶宛特別唔受,愛沙尼亞都法院果啲輸官司,要接受同性婚姻。無錯,大部分國家唔承認同性婚姻,好多係非洲國家,非洲國家大部分行獨裁政體,你 明光社 係唔係又支持去跟呀,蔡志森。身為神嘅兒女,唔該講嘢誠實少少,用誤導方法推銷宗教理念,呢個係一種做偽見證行為嚟嘅,做偽見證有乜後果,等你 明光社 自己諗清楚。

其實點解 明光社 咁令公眾強烈反感,因為 明光社 根本係一班道德理念維持喺中世紀,又要將自己果套道德同宗教理念滲入公共政策之上,呢種係最為難頂。英國雖然有國教,但由克倫威爾護國公運動,到光榮革命嘅本質,就將神權同君權分開,政教分離成為咗英國嘅立國精神。近年回教恐怖分子,甚至大馬回教黨最令人反感嘅地方,就係喺度玩政教合一,凱撤歸凱撤,上帝歸上帝,我話之你天主教、基督教定回教,搞政教合一等於將自己嘅宗教理念強加於人身上,一般人同你死過都似。而 明光社 喺賽馬、不雅刊物、同性婚姻,全部都係玩政教合一,仲要係意圖勾結共產黨嘅政教合一,所以次次 明光社 出嚟發音,我都係要出嚟丙呢班友就係咁解。反對南洋搞回教法,就要用同一標準,反對 明光社 搞神權,呢個係非常之清晰同明確。

如果明光社唔想同咁大壓力出現性傾向歧視立法,或者同性婚姻, 明光社 自己摺埋,蔡志森收山係最好嘅方法,每次 明光社 出嚟派膠,或者何君堯、周浩鼎、梁美芬出嚟派膠,都令公眾感到係有極迫切需要就同性婚姻以及性傾向歧視立法。當你聽周浩鼎講,非法焦慮、十分憂慮等等,無最誇,只有更誇嘅言論果陣,我真係聽到唔慌唔十分之焦慮同憂慮你班土共亂咁嚟,不如快快立法管住你班友派膠算。

發表迴響

你的電子郵件位址並不會被公開。 必要欄位標記為 *