乜奶都唔安全

中國國家質檢總局公布的報告,認真嚇死人,連蒙牛、伊利的奶粉都查出三聚氰胺,證明中國出現廣泛性行業陋習,就係乜奶都有做假。

不要以為不買中國品牌的奶製品會無事,雀巢好多出口到香港嘅產品,都係在中國生產,包括煉奶同淡奶,甚至鮮奶。在中國奶源根本不知安唔安全時,外資公司係唔係應該自願收回所有中國產品,暫時由其他東南亞國家,甚至澳洲和歐洲出口產品嚟香港?

至少我知道菲仕蘭在香港的黑白牌淡奶同壽星公煉奶,應該係荷蘭或東南亞產品,可能比較安全。如果你買雀巢產品,最好睇清楚產地來源,如果奶類產品,或使用牛奶之類生產材料,產地來源係中國,在未有獨立第三國徹底化驗時,避之則吉比較安全。

香港人係時候考慮,大規模入口非中國製食品嘅時候。

17 thoughts on “乜奶都唔安全

  1. 莫講話在香港的雀巢產品﹐我每日早上起碼沖兩大杯咖啡所用的Nestle Coffee-mate外面張包裝紙都無顯示產地來源。

    大把中國製造的食物在美國發售﹐依家都驚緊有無問題﹗

  2. “香港人係時候考慮,大規模入口非中國製食品嘅時候。”

    即是窮人不用吃東西了…當然我所講的略為偏激…我亦都唔係歧視窮人…

    香港人應該考慮一下獨立的時候了…因為食物乃人的基本需要…中國恃著為食物的支配者…香港人無可奈何地接受其統治(一國兩制?廢話)…但宜家食物出了問題…管治能力受考驗了…其實奶粉呢一D最基本的食物, 我真係唔相信得果一千多個人受影響…如果事情鬧大又或者有人發放假消息,或隱暪? 成千上萬動亂都似…CCP byebye.

    不過我所講既只不過是天方夜譚….你會唔會買十打pierrier 礦泉水而唔飲東江水?

  3. 飲得多pierrier過多,會唔會礦物過多呢?
    依家飲咩都死….唉。

    食環署應該在市場全面檢查所有任何奶類製品,唔理中外,都查左先啦。

    仲有,唔怪得陳克強要搓our breast啦,自己飲,一定冇事啦。

  4. 大陸食物面前, 窮人含X囉
    唔食佢又冇錢, 食佢又死

    飲水都要有錢先可以買部靚filter啦

  5. 係香港,除左入口內地食品,仲可唔唔以買到其它國家食品。

    我記得細個ge時候有好多東南亞出產ge食物。

  6. 我不明白發展本土農業跟當前的問題有甚麼關係?

    問題根源是民眾錯信「免檢」制度的神話,加上監管當局沒有認真處理有關企業,問題才弄成這樣。

    相信毒奶粉只反映國內食品問題的冰山一角,未來可能暴發毒菜問題等等。

  7. 誰說內地民眾相信「免檢」制度?內地批評免檢的聲音和文字多如牛毛。但在市場供給、價格因素和資訊不普及等條件限制下,民眾憑何選擇好的東西?你要有充足貨源渠道、要有錢,也要有相關智識或消息管道,才談得上選擇信,或是不信。

    本土農業之談,也是無盡輕心。小小香港,蟲害草害早已不能獨善其身,土壤又不是格外好,有機耕作面對營銷管道的問題,大於種不種出來的問題。

    耕田不是講玩。

發表迴響

你的電子郵件位址並不會被公開。 必要欄位標記為 *