一帶一路-印尼-min

一帶一路 ?叫中國早抖

印尼總統佐科訪問香港,期間梁振英狂向佐科推銷 一帶一路 。如果講 一帶一路 同印尼嘅關係,我諗本來我係專家嚟,因為我既係印尼華人嘅後代,本身係南洋問題專家,亦都喺《聯合早報》寫咗嘢十八年,生活習慣仍然有一定程度印尼化。但以印尼國家安全嘅角度,如果容許我同佐科俾建議,我會建議 ignore fxxking CY Leung ,集中同台灣搞好關係。因為中國不懷好意。

一帶一路 只不過重溫「大明帝國夢」

所謂 一帶一路 ,北部陸路部分,其實只不過係舊絲綢之路路段,南部海路為主部分,其實即係鄭和下西洋嘅部分,只不過加咗經紅海去希臘嘅一段。只要對歷史有啲認識,我係 一帶一路 沿線國家,已經有理由對中國不安,你中國想重溫帝國夢就講聲喇。無國家想再成為中國嘅藩屬。

但對南洋人嚟講, 一帶一路 南部海段嘅國家,好多都曾經被中共侵擾過,中共藉 一帶一路 大量移民或者搞經濟殖民,呢樣嘢點防止先,中共從來唔守信用,呢個係大家都知嘅事實。雖然依家 一帶一路 已經係一個走資用嘅名目,但如果中共仍然係認真想搞 一帶一路 嘅話,只要中共嘅擴張野心仍然存在,我點相信 一帶一路 嘅潛台詞,其實又係中共嘅輸出革命。而仲有唔少南洋華人,特別馬來西亞華人,對中共有不必要嘅幻想,呢個足夠害死華人。果啲回教極端分子幾想借 一帶一路 大搞排華,然後最終發佢地嘅哈里發之夢,呢個係好多南洋華人都知嘅事實。

新加坡點解喺南海問題上,同中共採取一個開片嘅態度,除咗新加坡班Queen Chinese傳統上唔相信共產黨之外,新加坡亦要取信於東盟,令東盟相信新加坡唔會成為中共南侵嘅橋頭堡亦係好重要。而喺南韓薩德導彈問題上,中國之所以持激烈態度,因為中共仍然想有朝一日入侵日本「報復」,否則一個只係用嚟防衛南韓嘅薩德系統,比戰斧導彈系統更加唔具入侵性,中共無理由反對,喺薩德導彈問題上,其實中共已經露咗佢地嘅狼子野心。所以如果我係佐科,只會當梁振英條仆街係隱形,梁振英以為咁樣可以取悅北京,我只會講,你條友收皮喇,南洋人聽到 一帶一路 只會想屌你老母。

One thought on “一帶一路 ?叫中國早抖

發表迴響

你的電子郵件位址並不會被公開。 必要欄位標記為 *