無線電干擾車-min

無線電干擾車 亂咁嚟,6月30日唔駛去機場

今朝早都寫過,香港警察啲 無線電干擾車 有殺錯無放過,連空管頻道都jam埋,令民航處啲人睇唔過眼,上公務員Secrets爆料,民航處都認咗,由於警方 無線電干擾車 亂嚟,可能違反干擾空管頻道,依家交俾通訊辦跟進,睇嚟呢鑊警務處處長盧偉聰唔道歉都唔得。只不過,呢件事亦話俾大家聽,今年六月三十日習近平訪港期間,大家都係唔好諗住要飛。

無線電干擾車 一定繼續無差別干擾政策

呢次可以講係7月1日習近平訪港嘅保安預演,佐科都係被香港警察借嚟做演習用啫,所以佐科得到異常高規格嘅待遇。由於香港警察當佢係習近平咁保護,所以用咗啲無差別干擾政策,防止有人玩遙控炸彈,我相信呢個無差別干擾政策會被認為成功,所以話之你108MHz,定乜嘢頻率,一定繼續無差別干擾,干擾到連習近平專機嘅安全受影響都要干擾,反正習近平專機應該可以攞到軍用頻譜,有乜事解放軍會用埋佢地果啲蠻幹特性,目視降落,自己解放軍無厘頭亂指揮航空交通,叫其他飛機盤旋又盤旋。其他人安全唔緊要,最緊要係主席睇落好安全。

所以,6月30日航空交通一定得個膠字,如果你唔想7月1日喺香港眼冤,最好6月29日就離開香港,費時香港差佬啲on99 無線電干擾車 亂咁干擾中晒招,因為空管頻道受干擾,並唔係咁簡單,一係就係搞到飛機大混亂,大家都知AutoTrac 3有幾膠,民航處有種嘅,就習近平降落期間咪用AutoTrac 1,而係用AutoTrac 3,等習主席感受吓呢套系統有幾「強勁」。而空管頻道受干擾加AutoTrac 3硬膠,膠上膠會係咁,我都唔敢估嘞。一係就係因為空管頻道受干擾,導致通訊出問題,係搞到空難都仲得,如果因 無線電干擾車 搞到死傷慘重,我相信啲家屬唔衝晒上去包圍警察總部,要盧偉聰填命都唔掂。

如果警方係唔識適當運用 無線電干擾車 ,係可以要求英軍派顧問嚟協助操作,唔應該請教解放軍,解放軍呢班友,除咗無差別干擾,無差別攻擊外,我睇唔到佢地仲識得乜嘢專業戰術,至少呢次警方只令人感覺班友水平喺菲律賓水平。

發表迴響

你的電子郵件位址並不會被公開。 必要欄位標記為 *