岑智明

岑智明 share個正常post都唔得:梁振英就係暴君

王維基曾經公開質疑過,法律大、政策大,定係特首大,究竟梁振英呢位暴君有幾巴閉,由天文台台長 岑智明 被迫刪post,只不過刪一個佢舊同事嘅常識post,就係梁振英係幾無恥,公務員想講句真係話都唔得。

岑智明 連發表政治言論都唔係

李本瀅係一位好強調決定必須基於科學嘅天文台台長,所以梁振英究竟話香港將霧霾吹入廣東呢啲反智而唔符合科學嘅言論,已經近乎毛澤東嘅無賴級數,佢出手反擊係十分之正常。呢啲唔係政治,係只不過科學常識。當然,梁振英已經阻止唔到李本瀅講真話,李本瀅因為已經係退咗休,加上呢個人一向都無慾無求,退咗休連商業機構都唔入,只係學音樂同西班牙話,梁振英係唔曉郁呢啲咁淡泊名利嘅人,所以佢改為向share呢篇文嘅天文台台長 岑智明 發洩, 岑智明share篇文係,三個鐘後就刪咗,一係梁振英直接打電話俾 岑智明 要求佢刪文,一係蘇錦樑條仆街收到梁振英嘅order,然後下令 岑智明 刪文,但無論如何,都有人擺明車馬侵害公務員嘅言論自由。

如果梁振英要以管制公務員發表政治言論為理由,限制 岑智明 嘅言論自由,咁唔該梁振英唔好雙重標準,喺天文台,得首長級公務員受制於《Civil Servant Regulations》對政治言論嘅限制,但警員全部都受呢方面嘅限制,唔該將所有喺facebook發表撐政府言論嘅藍絲警察攞晒去落鑊,炒晒佢先講,唔好話撐政府係言論自由,所以可以容許, 岑智明 係批評特首,所以就用管制公務員發表政治言論嘅限制,所以要 岑智明 刪文。 岑智明 無加comment去share一篇文,都未必反映 岑智明 嘅立場, 岑智明 可以話用嚟bookmark用都無問題。但啲差佬facebook嘅言論,甚至有警員聲稱要強姦陳巧文嘅言論,全部都係應該要革職查辦,點解今時今日仍然無警員因此革職查辦?梁振英點解係暴君,因為佢同毛澤東一樣,將一切法律當成專政工具,任意解釋,侵犯自由,更加藐視法治,如果政府敢對付 岑智明 ,香港人應該識做,否則日後天文台隨時衰過由李家全資擁有。

發表迴響

你的電子郵件位址並不會被公開。 必要欄位標記為 *