非法紮營-min

中國遊客 非法紮營 佔領東龍洲

五一黃金週雖然喺市區唔見晒啲中國遊客,但香港郊區變成重災區,以下呢張照片(亦即本文feature image),係一位讀者提供今日喺東龍洲上空嘅空拍照片,東龍洲俾班 非法紮營 嘅中國遊客,搞到好似難民營一樣,乜依家預演支爆後中國內戰,大量難民湧入香港嘅情景咩?

非法紮營 應該掃蕩

非法紮營-min
非法紮營-min

本來郊外紮營唔應該管,但一般嚟講,香港人紮營唔會太多,至少唔會搞到佔領山頭咁誇張,香港最大規模紮營佔領事件,已經係2014年佔領金鐘、旺角、中環、銅鑼灣同尖沙咀果次,但果次已經係類似巴黎公社嘅政治事件(呢個亦係巴黎市政府擁有嘅香港電車唔肯郁走銅鑼灣佔領者原因,一郁就巴黎市政府倒台都似)。依家,係成班遊客為咗慳酒店錢,大量湧入郊外紮營,呢件事,已經去到膠事級數,應該搵荷蘭、比利時、法國嘅電視台報導,點解中國遊客旅遊香港搞到好似難民一樣,究竟發生咗乜嘢事。

其實依家所謂要慳旅費,好可能係依家支爆越近,所以好多外匯額度管制有問題,所以要出嘅怪招。因為依家好多旅遊公司,應該無法匯出足夠嘅外匯,找香港旅行社條數,而帶大量人民幣現金會起疑,而銀聯卡依家嘅額度管制,以前ATM機可以㩒幾萬港紙出嚟,呢幾日已經見到啲大媽,㩒咗幾百蚊再㩒都唔俾㩒嘅情景。當啲遊客要留番啲錢買嘢果陣,咪出怪招 非法紮營 ,反正啲人唔驚蚊。

只不過,呢班中國遊客係咁 非法紮營 ,某程度上警告香港人,一旦中國爆發大規模混亂,大量中國難民由海陸空邊境湧入境內,將會係點嘅災難。以往仲有英軍阻截,依家無英軍,一旦大量呢啲中國難民嚟果陣,情景恐怕仲黐線過越戰1975年春季攻勢果陣,峴港、順化陷落果陣嘅狀況。呢個亦係點解我傾向香港歸英嘅原因,香港歸英,就可以由英國政府去阻截呢班中國難民,甚至有必須果陣,佔領深圳東部地區。

所以最近英國解密檔案,連香港部署核彈呢節都包埋,唔係無原因。英國可以喺香港昂船洲基地部署UGM-133 Trident II導彈,Vanguard級潛艇長駐香港就可以,順便嚇埋北韓班仆街都仲得。香港無必要成為無核城市,除非中國同香港簽互不侵犯條約,但呢個可能性係零。

One thought on “中國遊客 非法紮營 佔領東龍洲

  1. 世澤兄:

    先唔計可行性等具體問題, 有個 logic 問題更加根本:
    “由英國政府去阻截呢班中國難民”, 咁咪要歸英發生得早過支爆?

發表迴響

你的電子郵件位址並不會被公開。 必要欄位標記為 *