蛇齋餅糭-min

維穩費唔夠咪無 蛇齋餅糭

蛇齋餅糭 可以講係禮義廉特色,每逢中秋、端午呢啲時節,你唔見呢班仆街喺度派蛇宴、齋宴、月餅同糭就出奇。只不過,今年民建聯開始派得好寒酸,喺中區同上環,到依家仍然無任何表示會派糭,而沙田禾輋選區嘅余倩雯,今年只係派糭葉,真係聽完,個心真係離一離。

蛇齋餅糭 又咪係北京嘅錢

其實要睇支爆未,有一個指標好易睇,就係 蛇齋餅糭 ,因為 蛇齋餅糭 唔係免費,都係要錢,或者北京直屬嘅機構派資源,好似點解民建聯咁容易直接派米派豉油,因為好多係華潤直接供應嘅,派死貨有幾難,同埋方便將啲數左撥右撥。但 蛇齋餅糭 就一定要出現金。如果北京水頭充頭,以依家中聯辦班友係咁借維穩cap水嚟計,照計會繼續派得好鬼豪爽。當然,禾輋選區嘅選民自己蠢,年年俾民建聯自動當選,一般嚟講,你要多啲 蛇齋餅糭 ,最好方法係俾泛民當選,然後北京自然會投放大量 蛇齋餅糭 落去,呢個係食窮民建聯,票投社民連嘅道理。當然,呢句應該改做食窮民建聯,票投港獨派至啱。越投港獨派,啲 蛇齋餅糭 應該更豐富嘅。呢啲師奶數,啲泛民支持者應該用師奶語言同大家講。

只不過,依家明顯支爆將近,北京自己都唔想持續走資出去,特別近排中聯辦炒樓炒到咁明張目膽,中聯辦身為中央政府一個單位都參與走資就真係正仆街,所以北京好可能因此cut晒中聯辦啲水喉,當中聯辦自己都要留番彈藥炒樓果陣,你認為邊度仲有現金派 蛇齋餅糭 ,所以,依家咪得番塊 糉葉俾你班師奶慢慢攞,今年又唔係選舉年。如果依家戴妖班到資源喺禾輋派嘢,我估可能有啲料到。

所以大家千祈唔好俾劉江華呢件仆街再做民政事務局局長,我相信當中聯辦無彈藥果陣,土共會向庫房打主意,所以,有任何同劉江華有關嘅黑材料都要攞出嚟,務求令任何中共嫡系人馬,邊個做民政事務局局長,邊個都做唔長,防止民政事務局成為公帑流向土共嘅主要渠道,因為土共係無真正籌款能力,基本上,商界係唔想真係捐錢俾民建聯等土共,所以我睇,戴耀廷嘅風雲計劃,並非無計劃成功,因為依家形勢在變。

發表迴響

你的電子郵件位址並不會被公開。 必要欄位標記為 *