Bomb Jammer-2-min

用 Bomb Jammer 過晒火會引發空難㗎!

公務員Secret facebook 今日相信有民航處嘅人投訴,香港警察用 Bomb Jammer 用到過晒火位,連Air Traffic Control嘅頻道都干擾埋,對民航安全構成重大威脅,未搵到恐怖分子都可以搞到空難。無錯,印尼總統佐科嚟香港,警方有必要使用 VIP Jammer ,或者 Bomb Jammer ,但如果功率過晒火,或者唔搞清楚恐怖分子用乜頻譜就亂嚟,呢班警察喺反恐方面有幾專業,我個人有極大嘅疑問。

Bomb Jammer 係必須,但唔該小心用

Bomber Jammer 係警方或軍方一般用嘅反恐利器,主要係防止簡稱IED嘅遙控炸彈。

Bomb Jammer-min
Bomb Jammer-min

由於 IED 用嘅頻譜可以好多樣化,所以通常干擾範圍十分之廣,由20Hz到5.8GHz都可以干擾,當然,理論上,警方最安全,當然係全方位無線電波封鎖,但呢個做法係好有問題,因為飛機係必須使用無線電通訊同接收航管資料,所以民航處有官員爆料鬧爆警方係有理由。警方應該要避開 108MHz – 131MHz 呢段,因為呢段飛機一定要用,所以警方只能夠唔封鎖呢段,減少恐怖分子可以用嘅頻段,係成個反恐部署嘅戰術目標,喺機場附近佈防係必定有限制,呢個係無可避免。

其實要干擾邊一段頻譜,係可以研究印尼典型恐怖分子嘅做嘢手法得知,印尼恐怖分子一般係用GSM頻譜作為遙控炸彈引爆手段,特別係2G頻譜,因為成本平,而且又好用,香港 prepaid SIM卡唔駛登記,就更加無理由唔用GSM頻譜,所以警方嘅 Bomb Jammer 可以優先考慮干擾 2G 頻譜,反正唔多人用 2G頻譜,如果有3G供應商用咗2G頻譜提供UMTS服務,亦可以透過跳返2.1GHz或1.8GHz頻段解決問題。之後係 2.4GHz 頻段,暫時干擾 2.4GHz 頻段係無大礙。警方可以要求民航處合作,協助偵查有無啲唔正常嘅108-131MHz嘅活動,但唔可能連航管嘅都走去干擾,呢啲係極唔專業,而且係草菅人命嘅動作,同恐怖分子無乜分別。

警察喺呢方面,咪將自己嘅水平降到同菲律賓一樣,好唔好?

One thought on “用 Bomb Jammer 過晒火會引發空難㗎!

  1. 講開又講,睇番八十年代嘅香港電影,入面差人嘅形象係粗暴、同黑社會有所勾結、好多灰色地帶,唔知反唔反映到英治時代嘅警察水平?

    我認為,香港警察最好果期,係成個九十年代,包括英治最後七年同回歸後頭幾年

發表迴響

你的電子郵件位址並不會被公開。 必要欄位標記為 *