陳肇始-min-2

陳肇始 死咗人至話優化藥物名冊,你唔好遲啲

陳肇始 呢位未來食物及衛生局局長,有幾輕重不分,煙包果件事固然好膠,但無一個對比,好難話佢膠嘅。依家有單結節性硬化症病人,因為等唔切治療藥物納入撤瑪利亞基金嘅資助藥物名冊,死咗,依家被記者問,至話七月優化藥物名冊,咁梗係被人媽爆。

救人先定應付世衛班控煙塔利班先?

任何政策有緩急先後,而救人一定係第一優先,因為瀕死病人嘅生命係以秒計,遲少少都會無命,呢個亦係點解法律界國會議員郭榮鏗,當機立斷提出緊急立法,喺鄧桂思換肝問題上,定喺5月1日前臨時放寬活肝移植同意年齡為十七歲嘅原因,當然好似盧寵茂呢啲友仔識條鐵。但高永文係知道佢做局長應該嘅緩急次序,所以特別同意呢次立法,呢啲只不過係公共政策嘅ABC。如果要救人,乜嘢都唔駛講要優先。

好似罕見病藥物名冊嘅問題,無錯,啲藥好貴,但因為呢啲係非常情況,係應該優先處理,特別有病例,而情況唔理想果啲,係一定要處理咗先,呢個係常識嚟。可以要幾十萬一個療程,但公眾唔介意幾十萬用喺救一個人身上,但依家就係,因為你 陳肇始 嘆慢板,所以有人死咗,仲要罕見病好多係遺傳病嚟,你估病人想患呢個病㗎,遺傳病點解搞成咁,你 陳肇始 自己問上帝,或者林鄭月娥講到係上帝叫佢做特首,就叫林鄭月娥自己問上帝點解有呢啲病,但政府嘅責任,就係儘快解決財政資源問題。仲要依家佢有個十三歲嘅有同一嘅病,我真係想知 陳肇始 點找呢筆佢未坐正已經一鑊泡嘅血債。

至於煙包,好老實講,如果啲人要食煙食死佢,由得佢去死,政府係無責任用阿媽式手段迫人戒煙,煙包上有吸煙可以生癌嘅警告,其實已經夠,依家台灣做法係,由香煙抽嘅稅會撥入用嚟治療癌症病人嘅款項,呢種自己搞出嚟嘅鑊自己找數嘅做法,仲叫合理。你依家 陳肇始 用咁多時間,搞個煙包核突警告,不如你先抽調人手同資源,搞掂罕有病嘅治療藥物資金問題好過喇。依家啲官輕重不分,真係好人都被俾你班堅離地官僚玩到死咁滯。 陳肇始 咁做局長法,我相信日後大把膠嘢嚟,香港最好唔好嚟沙士咁嘅疫症,否則祝大家好運。

One thought on “陳肇始 死咗人至話優化藥物名冊,你唔好遲啲

發表迴響

你的電子郵件位址並不會被公開。 必要欄位標記為 *