詐騙電話-min

詐騙電話 根本係官商勾結嘅問題

有人因為見到3字頭電話,以為都係啲 詐騙電話 ,點知係急症室打嚟話佢親人有事,好彩香港公立醫院啲護士都盡責,打咗十八次終於可以通知件事。呢單嘢,再一次令大家意識到 詐騙電話 呢個問題有幾擾民。

詐騙電話 根本係要拉

依家有兩種 詐騙電話 ,一種 詐騙電話 嘅caller ID係明明扮香港電話,都出現 +852XXXXXXXX ,扮順豐速運或者入境處,呢啲係啲海外 詐騙電話 集團搞出嚟,由於實際係用Voice over IP,如果 Caller ID 層面無電訊公司合作,亂作出嚟嘅所謂 Caller ID就係呢啲怪嘢。呢類 詐騙電話 好易認,一係用小熊來電之類濾咗佢,一係一接就屌柒老母後收線。

另一種 詐騙電話 係訛稱銀行借貸,或者美容。依家銀行借貸已經少咗,因為銀行公會宣傳做多咗,啲人一問銀行就知果班黑社會係扮晒魚蝦蟹,呢個易搞啲。但美容果啲越嚟越離譜,其實大家都知係朗豪坊一間美容公司搞出嚟,呢間美容公司買咗香港電訊公司果啲境外客戶服務系統,所以Caller ID上面,係顯示咗正確嘅香港號碼,然後果班廣州打嚟嘅茂利,又扮乜嘢萬寧禮品網、香港點評網、甚至最近連蘋果動新聞都扮埋,當然佢地扮蘋果就最笨,因為蘋果讀者一報料,蘋果即刻有反應做嘢。但我相信,除非海關採取行動,上朗豪坊拉人封艇,否則呢啲仆街電話係十世都唔會停嘅。

當然,電訊公司最好同用戶合作,過濾呢類電話,好似數碼通客戶每月俾廿蚊(我依家係),可以濾X晒呢啲電話,所以我相信電訊公司係有掌握呢啲滋擾電話係嚟自邊間電訊公司,以及exchange時一啲代碼,否則點會濾得咁乾淨?一係香港嘅電訊公司,應該拒絕同呢間公司做生意,至少呢間美容公司,其實應該開名,等大家知道呢間係擺明黑名,要求所有董事為呢啲黑電話負責。

如果大家知道果間仆街嘢嘅確切地址,歡迎報料,呢啲公司係要起底為民除害。但都係果啲,呢啲人渣公司政府有責任清理,我想知呢間嘢老闆點解咁把炮,可以長期打呢啲 詐騙電話 而一啲事都無,究竟有乜黑後台咁勁。

發表迴響

你的電子郵件位址並不會被公開。 必要欄位標記為 *