深水埗開片-min

深水埗開片 – 官黑勾結惹禍

深水埗開片 呢樣嘢,好耐都未發生過,但喺4月29日晚上,香港出現近乎騷亂級別嘅開片事件,十幾名有黑底嘅南亞裔人士,被另一批四十幾人南亞裔人士襲擊,警方到場之後凶徒四散,呢啲係黑幫仇殺,已經係好清楚。

深水埗開片 係梁振英問題

深水埗開片 ,涉及都係南亞裔,好似西門梓敬呢啲柒頭,一定又屈假難民。我諗我對少數族裔問題熟過你班土共,畢竟我都係法理上嘅少數族裔。好多入黑幫,都係講流利香港語(包括極流利粗口),喺香港長大或長期居留,假難民根本係入唔到黑幫,你要入黑社會,都要同當地社區有連繫,好似上世紀果啲大圈幫,同香港社會連繫咁少都可以壯大,呢個情況並唔常見。南亞裔人士要收片、要恐嚇勒索,要賣毒品,都要講到流利香港語至得,更加唔好講賣淫,我真係想知如果係假難民,喺香港點涉及賣淫事業,我真係只能講得個笑字。所以依家好清楚,係香港呢啲on9教育制度下,要求少數族裔掌握唔到嘅漢字要求,跟住成班友上唔到大學,或搵唔到工,然後被黑社會吸收。跟住近年梁振英係咁有事有求黑幫,未上任都搞到有飯局,之後成棚黑幫越嚟越目中無人,所以香港同黑幫相關嘅罪案急劇惡化,都係果句,你估果啲同黑社會關係密切嘅友仔,無喇喇出嚟撐警真係支持警察,定係減警察威風之餘,順便進一步加強同梁振英政府嘅關係,當官黑勾結咁明目張膽果陣,呢啲開片事件咪越嚟越猖狂。

依家香港果種官黑勾結,好大機會走向台灣國民黨執政年代果種模式,果種模式係尾大不掉,你睇白狼張安樂呢啲人渣,今時今日仲可以出嚟「撐軍公教」班友,你就知發生乜事。同樣,香港如果再繼續俾梁振英模式嘅官黑勾結延續落去,香港唔可能係一個安全城市。香港唔係日本,日本俾指定暴力団可以合法存在,前提係呢啲暴力団一定某程度上守江湖規矩,例如開片禍及無辜一定負責,同埋一旦有危難果陣,暴力団會企喺第一線(當然之後有著數),但以依家香港黑幫果種慣用嘅行事方式,我睇香港治安只會日益敗壞,而要負責果條仆街一定係梁振英。再有人講假難民,就問果條仆街小桃園飯局係乜先。

發表迴響

你的電子郵件位址並不會被公開。 必要欄位標記為 *