行人膠-min

行人膠 :對司機嚟講莫大威脅嘅問題

牛池灣街市今日發生車禍,一名老人家喺車同車中間嘅空位突然走出嚟過馬路,一架平治睇唔到有個老人家走出嚟過馬路,結果被撞死。由於呢次車禍喺車cam普及年代出現,在場的士司機將車cam嘅片交俾蘋果日報,令成件事大家意識到 行人膠 呢樣嘢,點樣對任何道路使用者構成威脅。

行人膠 :不負責任嘅路人

行人膠,佢地唔揸車,但佢地肯定無視行人喺條馬路應負嘅責任, 行人膠 主要來源分兩種,一種係牛池灣街市車禍嘅死者,老人家,以為自己嘅反應同判斷力同年青果陣一樣,仲要以為啲司機同佢嘅判斷力都係一樣,甚至可以立即剎停架車俾佢過,結果,大家有眼見。呢種老人家係必須受教育,甚至考慮喺上庭嘅情況下判罰牛肉乾,否則呢啲老人家係唔知自己應該點過馬路,一般司機仲有駕駛改進課程,迫他們去改善駕駛態度,但唔同對住呢啲老人,要嚟個「過馬路改進課程」咩,啲裁判官與其係咁做政治迫害工具,我寧願律政司同法官,處理多啲呢啲 行人膠 ,救吓啲老人家。老人家咁樣去咗,無人覺得係一件安樂嘅事。

另一種 行人膠 係中國遊客同移民,佢地以為香港啲馬路同中國馬路一樣無規無矩,遊客果啲,如果經常被捉到亂過馬路,係應該禁止入境,香港唔駛呢啲道路炸彈做遊客,如果係移民,應該係審批永久居民身份果陣,就佢嘅過馬路紀錄作出考慮,以及加倍罰款,呢啲 行人膠 對道路嘅妨礙係同老闆車同級,其實罰夠六百蚊都係合理,同埋呢啲人如果要申請駕駛執照,可以不獲審批就算路試及格,過馬路都可以咁亂嚟,我相信你揸車無問題?唔係嘛。

當然,作為司機,固然要裝車cam保護自己法律權益,我相信肇事司機有裝車cam,再配合目擊司機嘅車cam片,法院應該會作出合適嘅決定。另一方面,如果自己注意力唔夠快,就唔好揸,香港咁多 行人膠 係好難揸車,我自己反應差,所以我寧願喺香港唔揸就係咁解,香港嘅道路環境同埋道路使用者嘅心理質素,係令司機實際上要承擔好大嘅責任,既然係咁,我選擇係坐公共交通工具,有時間寧願喺車上寫稿。

作為一個負責嘅道路使用者,咪做 行人膠 ,做 行人膠 係真係會膠死。

One thought on “行人膠 :對司機嚟講莫大威脅嘅問題

  1. 「既然係咁,我選擇係坐公共交通工具,有時間寧願喺車上寫稿。」
    順便做巴膠XD。

發表迴響

你的電子郵件位址並不會被公開。 必要欄位標記為 *