Olympia打字機-1

Olympia打字機 背後嘅一頁冷戰史

相信喺電腦年代,打字機已經無太大實用價值,反而變成一種考古或收藏。 Olympia打字機 ,相信係唔少人嘅回憶,以往 Olympia打字機 一啲都唔平,只不過, Olympia 打字機後面嘅銘牌,某程度,都係一頁都有趣嘅冷戰史。

Olympia打字機 與南斯拉夫模式

Olympia打字機-2
Olympia打字機-2

Olympia打字機 雖然係德國公司,德國牌子(依家係香港公司,呢個日後再講),但好多 Olympia打字機 ,並唔係西方民主國家製造嘅產品,而係一個共產主義國家嘅產品,呢個共產主義國家,其實比中國早好多走自由化路線,並且同西方搭晒膊頭,呢個係南斯拉夫。南斯拉夫嘅共產黨同蘇聯唔同係,南斯拉夫脫離德軍魔掌,好大程度上依靠自己嘅努力,同蘇聯紅軍關係唔大,所以鐵托早喺1948年同蘇聯反咗面,並且接受馬歇爾計劃嘅援助。而南斯拉夫本身,亦歡迎西方國家投資當地,好似呢部 Olympia Travller de Luxe 打字機,就係七十年代,喺南斯拉夫薩拉熱窩嘅廠房生產,無錯,後嚟塞爾維亞人殺人殺到離晒大譜嘅波斯尼亞城市薩拉熱窩。所以鄧小平所謂開放改革,並非佢個人創見,甚至南斯拉夫比今日嘅中國開放。南斯拉夫共黨容許批評文章喺黨內刊物出現,真係黨內互打免費,依家中國連黨內民主都做唔到。

當然南斯拉夫嘅生活水準,唔能夠接近西方,但由於南斯拉夫仍然統一期間,共產黨有一定市場經濟基礎,所以南斯拉夫幾個成員國,包括斯洛文尼亞、克羅地亞都入咗歐盟,成為主要成員國。但某程度上,由南斯拉夫嘅解體,甚至血腥內戰下解體,都可以睇到未來中國嘅出路。南斯拉夫最初就係有錢嘅加盟國唔想再留喺聯邦,所以斯洛文尼亞,本身最富庶,但邊境最近西方,而民族組成最單純嘅成員第一個走,跟住克羅地亞,因為塞爾維亞人沙文主義,已經大打出手,而民族組合亂七八糟嘅波斯尼亞,大家都知,變咗殺戮戰場,種族戰爭亦係最血腥。

某程度上,香港人保持大部分人講香港語同英語嘅單純性,其實有一定好處,一旦有事,比較難捲入內戰,正如當時塞爾維亞嘅態度,都係hea打由得佢地走,而斯洛文尼亞同塞爾維亞高層有無暗deal,呢個真係要研究吓。相反,如果中國解體,上海、深圳同台灣一嗌走,隨時係最血腥嘅戰場,尤其係上海同深圳。大家比照一下南斯拉夫九十年代瓦解史,大家應該可以有啲啟迪。

發表迴響

你的電子郵件位址並不會被公開。 必要欄位標記為 *