王振民-香港語

王振民 呢啲拒絕入鄉隨俗嘅盲毛

王振民 今朝早又做9upper,又喺度恐嚇啲香港人,只不過,當台下聽眾要佢講香港語果陣,就唔會唔撚識講。所以我都幾相信,中聯辦啲友仔,有幾多睇得明我呢度用香港語文寫嘅blog。但由語文問題,就知 王振民 以至中聯辦班茂利,其實都係一班盲毛嚟。由班盲毛去管香港,唔出事就真係十分之出奇。

講流利香港語文係基本要求

英國人打心戰一向好厲害,特別喺南洋同香港,喺新加坡,英國同中共交手點解最後英國人會贏,唔係因為只係李光耀,唔係因為只係Internal Security Act,而係英國派嚟南洋嘅官員,一般會學習流利閩南語、華語、廣東語(香港語),可以自己寫中文心戰文宣嘅地步,所以英國人係對華人文化心態瞭如指掌至派人過嚟,鍾逸傑爵士就係呢班友之一嚟,佢後嚟投共係佢嘅事,但基本上,英國人沿襲喺中東搵T.E.Lawrence做心戰嘅基本準則,就係用人類學角度充分了解當地文化文明,然後再行管治,所以英國管殖民地,係越管越少反抗,印度果啲係太過杰撻撻,俾你去都未必想殖民佢(一如你想唔想殖民中國?俾我一定唔會,我唔認為我具備將批量改造人類腦袋嘅能力囉)。所以唔少留喺香港嘅殖民地官僚,係講到流利香港語(苗學禮、栢志高),甚至同香港人通婚(盧維思)。

你依家睇吓,王振民聲稱研究香港法律多年,大家都記得佢未入中聯辦前,係清華大學教授,四大護法之一,研究香港法律唔識香港語,一睇criminal case嘅判詞就真係唔知佢點睇落去,無錯,香港好多案係用英文審英文判,但刑事案件一定涉及大量香港語言嘅運用,否則亦唔會因法庭嘅需要,英國政府研究香港粗口嘅正確寫法,並且研究大五碼-香港字庫,成為香港語文成為一個可以寫得出嚟嘅語文嘅基礎。

中聯辦由一班唔識香港語嘅人嚟管,搞出反抗係必然,因為絕對堅離地,英國人教曉香港人同南洋人一樣嘢,你想管好一個地方,唔該識得當地語文。所以新加坡通曉香港語、台語、馬來語嘅政客依然十分值錢,係有原因。西環,只係一班盲毛,盲毛搞殖民,非死即傷係正常。(係連日本人都不如,日本人管治台灣期間做咗好多research,連後嚟國民黨都要用日本人研究做基礎去管治)

發表迴響

你的電子郵件位址並不會被公開。 必要欄位標記為 *