陳美齡-永住者-min

陳美齡 有無資格做教育局局長

雖然我一向都知,林鄭月娥係無視《基本法》嘅居留要求,佢自己都係有居歐權,但如果搵 陳美齡 做局長,第一件要解決嘅問題,唔只要證明 陳美齡 並無BNO同香港特區中國公民以外嘅國籍身份,仲要睇在留卡嘅身份。如果 陳美齡 嘅在留卡印住係永住者(Permanent Residence),基本上, 陳美齡 做教育局局長呢場鬧劇,應該結束。

陳美齡 係永住者就唔駛講落去

根據《基本法》第61條

香港特別行政區的主要官員由在香港通常居住連續滿十五年並在外國無居留權的香港特別行政區永久性居民中的中國公民擔任。

陳美齡 合唔合符呢個要求,極成疑問, 陳美齡 比林鄭月娥喺倫敦做官更加講唔上去海外暫住,林鄭月娥被港府派去倫敦,但佢係英國公民嘅妻子,本身以英國公民身份喺倫敦工作,本身合唔合符通常居住香港要求,我已經極度懷疑。但 陳美齡 更大鑊, 陳美齡 係以日本公民嘅妻子,以永住者身份居留於日本,而居留卡上永住者英文譯文係Permanent Residence,基本上,只要 陳美齡 出示有永住者嘅在留卡,已經即時DQ,唔好同我講咁多年以嚟都係持BNO。 陳美齡 之所以唔歸化日本籍,我唔信佢係咁民族主義,因為好多外國人,對歸化日本公民身份係有唔少疑慮,特別日本唔承認雙重國籍嘅情況下,就更加係。而由日本稅務處理實務嚟講, 陳美齡 嘅香港身份應該幫到佢老公唔少,好多日本人係想嚟香港開個銀行戶口,而原因係同稅務有關。佢全屋都係一堆要稅務問題複雜國家嘅公民,佢老公日籍,長子加籍,次子美籍,我相信三子都應該係日籍,都係呢啲問題上極膠,但 陳美齡 無入籍又有永久居民身份,可以保持最大彈性,所以日本人鄙視佢係好正常。我相信佢咁緊張英國脫歐,因為佢用緊佢BNO身份享受唔少歐盟同日本之間嘅往來好處,呢啲古惑嘢,真係一分析就分析出嚟。

或者咁講,呢次 陳美齡 鬧劇亦有可能係為吳克儉留任鋪路,林鄭月娥有得揀一定唔會想留吳克儉,但以中聯辦啲人啲利益嚟睇,吳克儉呢件撚樣好重要,所以呢次煙幕後面應該仲有嘢嘅,大家要留意。

One thought on “陳美齡 有無資格做教育局局長

  1. 您好,本人係在日本工作既英國人士,忠於女王陛下政府。

    日本永住有幾點特別,所以比較少人選擇入日本籍

    1.除左投票權問埋要一年返一次日本,永住人士享受一切日本國民權利同福利,仲可以申請外藉學生獎學金。

    2.入日本吾一定需要改名(呢個同BNO非國藉一樣,契丹式謊言),但系日本人夫妻必須同姓,一係距改老公姓,一係老公改距姓,但係日本人同外國人結婚就吾洗,可以保留姓氏。(我娶日本人吾洗改)

    3.日本不允許雙重,所以入藉既多係passport好難用既大陸人越南人個D,而發達國家passport 持有人就冇必要入。

    4. 2012年改例起,中國香港同英國香港在日本住民票(基本上90%以上,可能有小一小山卡啦城仲叫英國香港)同在留卡上同時消失,新設台灣,所以特區除左免簽已經在身分上完全中國了

    順便一講,除非行為似契丹人,否則日本人吾會理你膚色,會叫你英國紳士。而對特衰同契丹已經好反感

發表迴響

你的電子郵件位址並不會被公開。 必要欄位標記為 *