陳美齡-BNO

陳美齡 與 BNO

有報導指 陳美齡 可能做教育局局長,佢乜嘢蘇州屎都被人揚出嚟,佢搞動漫界嘅固然唔駛講。但最令人鄙視一樣嘢係,佢同金美齡喺日本電視台對辯果陣,狂鬧香港抗爭嘅年青人,但佢自己又揸住本BNO護照。喺日本住過或做過嘢嘅人都知,揸住本BNO喺日本,如果你唔係旅遊人士,分別係十分之大。要 陳美齡 放棄本BNO護照,真係發夢無咁早。

日本政府 喺大部分情況下都當BNO係英籍

日本對英國護照免簽嘅政策,一般係用英日條約方式締結,所以BNO喺日本免簽權利,係得到英日兩國政府保證,日本係視俾BNO免簽係促進英日關係,而唔係港日或中日關係:

http://www.mofa.go.jp/mofaj/gaiko/treaty/pdfs/A-H1617-213.pdf

而最重要一點係,除咗上陸許可果吓,英國公民有時會批出一百八十日外,其實BNO同BC喺日本係一體看待,住民票或者會記錄英國香港,或乾脆英國(睇自治體),而入國審查官一般對英國係鬆手,但對中國,無論中國定中國香港都緊好多,否則點解台灣啲人拗到流牙血,都要日本政府住民票用台灣嚟登記,唔係中國,因為一旦用中國實仆硬街,所以 陳美齡 單係呢樣嘢,已經會死抱本BNO唔放。而且日本人係認護照睇你邊國人,唔計好似周庭、黃之鋒果代,無法攞BNO果啲,否則日本人對大部分上一代嘅香港人,甚至我呢代中年香港人,你揸英國護照,你係認同英治年代香港嘅人,你係文明人,你揸特區護照,你係有得揀揸英國護照而揸特區,日本人係另外看待,所以 陳美齡 撐中國政府班仆街都仲要撻英籍香港人個朵咪咁解。金美齡反而係因為日治年代本來有日籍,因波茨坦宣言喪失日籍,但中華民國政府黑名單唔俾佢返台灣,變咗用特別永住權流亡日本(日治年代生嘅台灣人都可以claim特別永住,原則上),陳水扁上台後返過台灣,但馬英九上台後唔認同中華民國,直頭入籍日本。金美齡明顯值得尊敬太多, 陳美齡 只不過係一件仆街。

你同呢啲友仔講乜叉民族大義,我只能講,叫 陳美齡 退出BNO,林鄭月娥老公退埋英國公民,至好再講乜乜叉叉民族主義,否則呢班友都係虛偽到爆嘅偽君子,早啲返去早抖喇。

One thought on “陳美齡 與 BNO

  1. 世澤兄:

    人上咗岸, 就有資格做偽君子.
    而做偽君子, 喺呢個政治制度下, 可撈取更大利益, 可稱之為 “更上岸”.
    “更上岸”, 就有資格做 “更偽” 嘅偽君子, 如是者惡性循環, 沒完沒了.

    喺香港, 大把人就算未上岸, 都有做偽君子嘅潛質, 類似者, 去 baby kingdom 睇睇 🙂
    咁, 臭味相投呢家嘢, 想唔信都唔得.

    [!]
    更有甚者, 有啲人佢自己草民一個, 人生失敗咬老綜, 但經常幻想代入當權者角色, 思想上仿冒當權者思維, 自欺欺人過日辰, 自以為咁就脫離 “草民階級”, 成為當權者集團嘅一分子, “不再孤單”, 幻想 “享有權力”, 開口埋口就 “反對派乜乜物物”, 呢亭 “準精神病人”, 喺香港, 更加多到你無法想像添呀.

    社會有呢啲咁嘅 “中底層結構”, 上層偽君子先可以有恃無恐惡性循環落去.

發表迴響

你的電子郵件位址並不會被公開。 必要欄位標記為 *