同性婚姻

同性婚姻 變咗係必須解決嘅法律問題

2014年一名喺紐西蘭做咗 同性婚姻 註冊嘅入境官員,同政府就公務員福利同合併評稅問題打嘅司法覆核官司,高等法院有咗書面裁決,判政府喺公務員福利部分敗訴,但《稅務條例》夫婦合併評稅部分勝訴。我未睇晒條文,但我初步認為, 同性婚姻 作為一個法律技術問題,政府必須早日解決,包括承認同性婚姻,否則實膠爆。

政府歧視 同性婚姻 實膠到無朋友

原告人係以政府同時犯晒《性別歧視條例》、《香港人權法案條例》同《基本法》而出事,其實《稅務條例》果部分已經贏得極險,因為《稅務條例》對婚姻釋義係:

婚姻 (marriage) 指─(a) 香港法律承認的任何婚姻;或(b) 在香港以外任何地方由兩個有行為能力結婚的人按照當地法律而締結的婚姻,不論該婚姻是否獲香港法律承認,但如該婚姻有潛在可能並且實際上是多配偶制婚姻,則婚姻一詞不包括一名男子與其正妻以的其他妻子之間的婚姻;而結婚 (married) 一詞須據此解釋;
妻子 (wife) 指已婚婦女,而其婚姻是本條所指的婚姻者;
丈夫 (husband) 指已婚男士,而其婚姻是本條所指的婚姻者;

講真,係《稅務條例》對妻子同丈夫嘅定義並非transgender嘅處理,政府至無輸埋,但我相信喺終審法院過唔過到關,好成疑問。因為《稅務條例》本來對婚姻釋義嘅精神,係政府唔理外國任何婚姻係點,只要唔係一夫多妻制就一律承認,免招疑問。如果照呢個精神,妻子同丈夫嘅定義,係隨時會有改變,所以終審會唔會打係好重要,亦會係一場大惡鬥。

但無論如何,唔似《稅務條例》咁樣hard-coded咗夫妻定義嘅法律,基本上都會受到海外 同性婚姻 嘅挑戰,如果香港唔自己搞 同性婚姻 ,成堆同性戀者去東京英國使館,上海英國使館,或者其他國家結婚,件事會搞到一鑊泡收場,日後真係會頭都痕。所以就算唔搞 同性婚姻 ,至低限度民事結合係必要,最多學英國咁,教堂有權opt-out唔搞 同性婚姻 婚禮,當然Sexual Offences Act 2003相應修訂,可能都要一併引入香港,否則一定膠事一大堆,依家至係開始。

發表迴響

你的電子郵件位址並不會被公開。 必要欄位標記為 *