解放軍

解放軍 就係黨軍:香港人無可能服兵役

唔知點解,定期都有土共甚至中國內部嘅學者,唔知係扮白癡,定真心膠,成日想香港人加入 解放軍 但死都唔肯改喺香港實行《中國國籍法》果陣嘅雙重國籍原則。對 解放軍 嘅本質有啲理解,都知呢個根本係天方夜譚嚟,香港傳媒唔知點解浪費時間去報導呢啲垃圾新聞。

解放軍 作為黨軍一定解決地下黨問題

外籍人士可唔可做 解放軍 ?喺 解放軍 史上並非完全無試過,因為 解放軍 空軍實際上係由投共日本皇軍所創建,由日本人訓練,呢個係見諸於戰史嘅事實,當然呢班友後嚟遣送日本,但如果你係中共黨員,外籍從軍都無所謂, 解放軍 到今日都唔係國家擁有嘅國防軍,而係私人擁有嘅黨軍,亦都解釋咗點解1989年嘅大屠殺班友點解落到手,同長春圍城屠殺一樣,黨私人武裝唔會理軍人道德同榮譽,一如納粹屠殺猶太人唔係由國防軍執行,而係由黨衛軍SS執行一樣。

但如果要招攬香港人加入 解放軍 ,中共就必須喺香港合法化,但香港作為國際條約下建立嘅城市,中共又點樣超越香港法律而存在?一旦中共可以超越香港法律而存在,香港就唔係一國兩制,而係一國一制,中共慣咗黨即法律,又點可能接受香港法律約束,呢個亦係到咗今日中共仍然喺香港以地下黨形式運作嘅最主要理由。呢個問題解決唔到, 香港人 加入 解放軍 嘅技術問題亦唔會解決到。

另一方面,中共唔怕出現類似施明德一類堅港獨分子,加入 解放軍 係為咗掌握軍事技術㗎,施明德當年係為咗想搞武裝起義達致台獨目標,至加入中華民國國軍做炮兵,你估中共唔驚㗎。所以中共更加唔可能俾香港人入 解放軍,就更唔好講要香港人服兵役,呢個係唔可能。

當然,中共知道如果香港年青一代要從軍,好大機會都會選擇英軍,呢個亦係當年中共唔同意BNO可以世代相傳嘅理由,但如果一旦平權或解決英籍繼承問題,我可以講,如果真係有人搞武裝起義,絕對唔係好似依家果班扮勇武,似青山病人多啲友仔咁柴娃娃,一旦堅做,我唔認為 解放軍 係啲堅做嘅人嘅對手,如果俾班現役港裔英軍去搞,以前華籍英兵仲會親共,因為兵種上問題,但1997年後入果啲已經當本土英軍,連御林軍都入得,你諗吓發生緊乜事。

發表迴響

你的電子郵件位址並不會被公開。 必要欄位標記為 *