陳美齡 做教育局長?林鄭無人到咁

眾新聞報導,已經旅居日本多年,已經做咗教育家嘅歌手 陳美齡 將會出任教育局局長一職。我對呢項消息感到好奇怪,因為 教育局局長呢個位係北京其中一個極重視嘅位。喺現今局勢嚟講,除非林鄭月娥嘅廚房熱到地獄十八層嘅級數,否則北京好難委任得落手。

陳美齡 同日本關係太密切

當然,依家 陳美齡 已經唔係我們印象中娛樂版果個印象好好嘅 陳美齡 ,一如民主黨利東選區區議員,精通日文嘅區諾軒喺facebook講,佢變咗一個屈穎妍級人物,包括發表抹黑遮打革命言論,以及喺聯合國兒童基金會啲數目唔乾淨。而一般嚟講,嫁過去日本嘅人,應該攞咗日本籍,歸化日本籍一般會要求退出英籍,但 陳美齡 仲周圍同人講自己係香港英籍又係好奇怪嘅一件事。

但根據中共依家對港政策中,洗腦由細個開始嘅原則, 陳美齡 做教育局局長仲有以下幾個問題。

  1. 依家中共係鼓吹盲目仇日,但 陳美齡 係嫁過去日本,並且同日本關係密切。 陳美齡 丈夫都係日本政商界叫有啲料嘅人,如果真係再搞國民教育,甚至仇日守教育,陳美齡 真係執行得到?呢樣真係十分令人懷疑。

  2. 喺中共就快十九大嘅時刻,如果香港爆出由一個日本人嘅妻子擔當教育局局長,一係張曉明同佢幕後老闆被鬧爆做漢奸政治上慘死,一係習近平被指係漢奸慘死,郭文貴大爆料事件已經搞到習近平嘅管治合法性大大動搖,我唔係太信喺教育局局長問題上,北京會接受一個政治上形同自殺嘅人選出任。

當然呢刻,香港同中國政治都去到一個匪夷所思地步果陣,我唔會完全否定呢個報導嘅可能性,如果呢段消息最後屬實嘅話,未必能幫林鄭月娥加分,相反,更加證明依家林鄭月娥嘅熱廚房係地獄十八層嘅級數,聚埋啲人都係最狗屎垃圾,最虛偽嘅至去,再加埋好似陳茂波呢啲,想清都清唔到嘅梁粉,我相信林鄭月娥新政府不單因民望太低而無蜜月期,亦會因為團隊成員太騎呢,質素太良莠不齊,最終個個成員都爆劑勁,林鄭月娥捱唔捱得過任期嘅一半都好成一個疑問。睇嚟香港啲花生只會越炒越高,因為林鄭月娥、梁振英同張曉明呢個搞屎棍鐵三角一定搞到膠事𣎴斷,花生斷貨。

One thought on “陳美齡 做教育局長?林鄭無人到咁

  1. 世澤兄:

    “中共鼓吹盲目仇日” 不過係目前嘅外表, 中共內裹, 從來自以為自己係亞洲大佬, 同美俄 “平起平坐”, 幻想自己有資格 “唔仇日”, 有資格 “超然於仇日”, 進而幻想日本係周邊小國, 會自視為附庸, “入我朝廷參拜進貢”!

    幻想呢啲, 係無聊嘅, 被日本冷待, 私下摑, 以致送埋去俾日本公開摑, 一巴又一巴, 最慘係俾心水清嘅睇得清清楚楚, 邊個係盟主大佬, 邊個係走狗.

    咁, 佢家陣可以點? 唔可以點, 就惱羞成怒 “鼓吹仇日”咁多, 唔係重有乜好做?

    佢, 不過係俄國附庸, 重要係唔知自己個格衰, 咁點會有正常人睇得起佢?

發表迴響

你的電子郵件位址並不會被公開。 必要欄位標記為 *