全民賭X

我唔知政府會唔會明知市況咁差,都仲照樣推強醫金呢個膠到無朋友政策。但由依家嚟睇,唔好話強醫金,強積金都好應該取消。

呢鋪次按危機,原因係成班財經佬猛咁屈機,結果屈爆機所致。證監成日話投資係有風險,講到尾,投資根本係賭搏。你話你自己願意賭一鋪,輸咗罷就打死無怨。依家政府係迫人去每個月拎百分之五去賭,仲要拎未來嘅棺材本嚟賭,咁同全民賭X有乜分別?

大家睇睇自己強積金嘅情況,應該都係凍過北極洋嘅水,係唔係時候,要求政府結束強迫金計劃,市民可以拎番所有強迫金嘅供款俾自己駛?有人要拎棺材本賭,我唔會阻住佢,但政府迫我去賭一鋪,條氣實唔順,政府乜叉都要我自己供款,咁我交咁多稅嚟做乜,養班局長助理班廢柴?唔好玩喇。

2 thoughts on “全民賭X

  1. 全民捐 5% 收入,其實係創造就業而已。

    家下大學生係又讀商唔係又讀商,唔讀商唔馨香,讀完商又點?睇下今年底有幾多年要重新流入其他行業,定係繼續塘水滾塘魚呀拿。

    (我都買重結局係後者。)

發表迴響

你的電子郵件位址並不會被公開。 必要欄位標記為 *