郭文緯-min

郭文緯 教梁振英學李光耀?不如叫張曉明管掂土共先

前副廉政專員,大號梁粉 郭文緯 喺南華早報,公然叫梁振英師法李光耀,將反對佢嘅人,全部告誹謗,一於做律師信魔人。我唔知 郭文緯 自己知唔知道噏緊乜,但作為一個長期喺新加坡報章寫嘢嘅人,我只會覺得 郭文緯 呢班友無用鏡照吓自己個樣,同佢啲馬仔嘅做嘢手法,我恐怕如果大家鬥派律師信嘅話,中聯辦同梁粉係咁俾律師費都未俾得掂,如果香港人眾籌俾泛民告晒你班粉皮嘅話。

李光耀做律師信魔人嘅時代背景

李光耀一向都唔怕同人辯論,以辯才嚟講,南洋佢係數一數二,甚至今日新加坡政客嘅辯才,暫時未有一個超越李光耀。但點解李光耀會做律師信魔人,唔係佢唔鍾意異見,而係馬共用埋啲歪曲事實,散播謠言嘅手法做佢,你唔出律師信,你仲可以點?基本上,最唔想辯論果個,一直都係中共,以及佢啲爪牙,辯唔過人就抹黑人,搞人,土共係咁,左膠又係咁。當有班人濫用言論自由,係咁肆意抹黑果陣,訴諸法律係無可避免。所以李光耀並唔係十分鍾意告人,而係南洋嘅討論風氣,被馬共搞亂。所以工人黨都試過告人民行動黨啲人告得入,而馬來西亞更加發展到報警撚、律師信撚滿天飛,南洋係郁唔郁就報警,朝野都係,十分之黐線,呢啲就係中共極左派搞落嚟嘅蘇州屎,你 郭文緯 仲好意思叫梁振英學李光耀?

如果大家眾籌俾泛民告人,我覺得絕對有得做,你睇《大公報》啲仆街,去年搞梁天琦,今天就搞《消失的檔案》上映,呢啲係記者定係黑社會爛仔。《大公報》、《文匯報》、《港人講地》同《HKGPao》,有幾多歪曲事實嘅言論,如果泛民真係認真搜集證據,落鑊告土共,我想問題中聯辦諗住問北京攞幾多budget俾律師信、廣告費以及相關賠償?我一直都認為,泛民礙於資源所限,對呢啲極左派,甚至用極左派手法搞人嘅友仔過於仁慈。如果香港係一個紳士社會,一如1997年前嘅香港,我覺得唔應該出律師信,勞民傷財而且有後遺症。但依家香港越嚟越似馬共作亂期間嘅南洋,當 郭文緯 可以咁叫囂果陣,趁香港仲有司法獨立果陣,係應該對呢班友採取行動,到時我睇邊個縮。

發表迴響

你的電子郵件位址並不會被公開。 必要欄位標記為 *