鄧幹廉

鄧幹廉 點解夠薑裝ICQ收人兩舊:你睇林鄭月娥就明

喺高登硬膠七子裡面,其中一個我成日提及嘅例子,應該係 鄧幹廉 ,呢條茂利當年幫人裝ICQ,夠膽收入兩舊水。如果今日有人要你開facebook account(唔係instant article),或者whatsapp收人兩舊水,我恐怕果條友一早打直入打橫出。問題係,點解以前嘅 鄧幹廉 ,今日嘅阿石,呢啲仆街,夠膽可以出嚟咁樣收錢,居然仲可以喺呢個世界生存到,你睇林鄭月娥嘅選舉開支申報,close個facebook page都要俾兩千蚊人,就明香港有幾多babyboomer唔肯學電腦,仲要心甘情願被人昆。

Babyboomer缺乏學習使用機器能力

對我呢代人嚟講,其實學習使用電腦,以至各式機械,係常識,或者基本技能。小學學木工,學用刨,到今時今日,我都會研究好似手動相機,打字機呢啲古老石山機械,保持學習使用工具,係一個好重要嘅技能,如果唔不斷學習,不單會追唔上時代,好容易退化,甚至好容易變成水魚。大家要記住,作為一個亞氏保加症病人,我嘅手腳協調係有一定問題。而呢啲學要自學,由Linux command,到點幫一部舊式打字機換墨帶,呢啲都係我去自學學返嚟。甚至語言,都要係咁做,例如我寫《最後一課》,就要學Viva la France點串點寫。但依家Babyboomer掌權果批,特別香港果批,好怕學習新機械,我唔知係唔係過往嘅教育制度有問題,但呢班友自學能力差,以為乜嘢都要俾錢交俾人做就得,就搞出好多問題出嚟。而林鄭月娥居然喺 facebook果度,枉花幾千蚊甚至六位數字嘅錢,只不過係冰山一角。

但更大問題係,當呢班掌權嘅人,唔識得去自學果陣,佢地會拒絕隨住時代去進步,一旦時代嘅浪潮一嚟,就越嚟越脫節,越嚟越不知所措,陣腳大亂,跟住用啲斬腳趾避沙蟲方法去避,或者花冤枉錢俾阿石呢啲硬膠。所以香港嘅IT政策停滯不前,就係呢個問題。

喺《傑出華人系列》,李光耀生前係自己學打email,佢話,唔可以乜嘢都靠秘書,呢種無時無刻嘅學習態度,係香港嘅babyboomer最欠缺,所以我對林鄭月娥呢條友感到擔憂,曾俊華,係有一定學習能力。

咁鍾意學李光耀,至少學咗李光耀呢種態度先。

發表迴響

你的電子郵件位址並不會被公開。 必要欄位標記為 *