有利建築-min

有利建築 :鉛水+危險電線一齊中

今日中午出過post,講邊啲樓盤同時有鉛水同危險電線,中國建築高據要位,而根據交叉分析,用得鉛水,就會用得危險電線,而果然 有利建築 同中國建築嘅經營手法十分之類似,喺公屋用完鉛水水管,就唔爭在用埋啲危險電線,點解房屋署可以縱容呢啲行為,呢樣真係十分之值得大家詳細探究,而傳真社點解搵到好料唔做交叉分析,同樣係令人費解。

有利建築 同時出現鉛水同危險電線清單

下表列出嘅公共屋邨,就係傳真社查到使用啟東唔合規格電線,又有鉛水水管嘅地方:

項目名稱 類型
德朗邨 公屋
彩福邨 公屋

依家唔知 有利建築 同埋中國建築,係咪用同一批供應商,因為大家都喺公屋工程犯同一堆錯誤,呢個世界真係好鬼不可思議,但可以肯定係,房屋署嘅監管係完全唔係路,因為兩間以上建築公司,都同一樣嘅問題,一係房屋署嘅官員特別愚蠢,咁都可以過骨,一係根本裡面有系統性嘅公職人員行為失當嘅問題,如果廉署唔介入調查,就認真無天理。由水泉澳邨嘅情況嚟睇,呢單嘢,隨時係比圓洲邨短樁更嚴重嘅事,水管有事,電線有事,咁水泥有無事。香港買樓傻的嗎係肯定,但香港新公屋住唔住得人,其實都有好清楚嘅答案,因為呢次涉及中國建築同 有利建築 兩間公司,同時有問題果啲,絕大部分都係房委會屬下嘅公共屋邨。而以往房委會,都有唔少弊案,包括陳裘大弊案(陳奕迅老豆嘅弊案),廉政公署唔查都好,都應該派人研究房屋署嘅運作,特別投標過程,以至審視物料收貨過程,究竟係唔係有問題,點解可以咁膠嘅事出現呢?

其實比較番英國人,啲人話英國人掠水,但大家記住一樣嘢,以前英國人喺公屋用嘅電氣裝備,例如MK、Tenby、Federal Electric,呢啲都係一啲安全可靠嘅牌子,至少唔會唔合安全標準,唔會漏電,唔會有鉛水,但依家中國呢班友,入中國製嘅無問題,但安全唔可以有問題,中國要賺香港人嘅錢,如果品質同安全可以接受還可,問題係,依家中國建築同 有利建築 就係用埋啲狗屎垃圾出嚟,危害公共安全,咁係完全唔得。

發表迴響

你的電子郵件位址並不會被公開。 必要欄位標記為 *