中國建築-min

中國建築 偷工減料豈只鉛水咁簡單

傳真社報導,啟東喺中國生產嘅防火電線,唔符合英國安全標準。呢個係重要,因為防火係問題。但我睇到傳真社嘅報導,我首先發現應該同 中國建築 有關,而我同我自己以往嘅調查做交叉研究,果然係咁。

中國建築 究竟用乜嘢料起樓要搞清楚

以上係傳真社嘅地圖,標明咗邊啲建築,用咗啟東嘅唔合規格電線,一旦火災就會好牙煙嘅地方。我再根據之前我自己嘅調查交叉對照,以下地方,係同時 中國建築 負責,即係咁講,呢啲建築用料問題,唔會只係鉛水咁簡單,如果係私人樓宇業主,應該考慮搵驗樓師詳細查驗樓宇質素,因為你唔知仲有幾多地方有可能係中伏嘅

樓宇/項目名稱 類型
安泰邨 公屋
水泉澳邨* 公屋
美東邨 公屋
啟晴邨 公屋
彩德邨 公屋
The Grand Austin 私樓
港珠澳大橋香港接線-觀景山至香港口岸段 基建

*水泉澳邨已經出現埋豆腐渣工程,三連中。

照咁睇, 中國建築 果堆供應商,都應該全部好有問題,因為依家水管又中,電線又中,咁偷工減料法,水泥又會唔會中?而鋼筋又會唔會中?依家 中國建築 已經為香港人嘅安全,帶嚟咗系統性風險,雖然依家只有一幢私樓已經兩連中,但 中國建築 供應商嘅清單,仍然應該清楚列晒出嚟,逐一查驗佢地嘅用料,究竟係唔係都係唔合符規格,至少依家上表嘅五座公屋,仲住唔住得人,都係一個明顯嘅問號,但依家香港政府,對 中國建築 嘅連串問題,完全係用hea過嘅態度,真係十分之得人驚,香港人用畢生積蓄,買咗座危機返嚟住都唔知,呢樣嘢都未免太過恐怖話。

其實未做交叉研究,又列咗喺傳真社張清單嘅樓,我會逐一查番晒啲建築商出嚟,因為呢啲建築商,隨時有可能都係鉛水建築商嚟,好似名列傳真社清單嘅有利,就係德朗邨嘅承建商,德朗邨又係中咗鉛水嘅。依家香港建築界已經學晒中國啲衰嘢,建築用料可以唔跟標準,而政府公務員亦無做好自己份工,認真查驗用料,房屋署更加係重災區添,如果我係廉政公署,一定會考慮開file,查吓房屋署啲驗樓官員,究竟係唔係有問題。一次錯,可以係意外,又錯,就唔多似意外嘞。

One thought on “中國建築 偷工減料豈只鉛水咁簡單

發表迴響

你的電子郵件位址並不會被公開。 必要欄位標記為 *