游蕙禎-非法集結-min

游蕙禎 因履行職務被控非法集結: 梁振英黐撚線

游蕙禎 同梁頌恆兩位國會議員,以及佢一眾助理,今朝早被警方拘捕,但理由極度荒謬,就係喺十一月,呢兩位國會議員試圖喺立法會履行職務期間(即宣誓),喺立法會非法集結,呢單案,簡直黐線到無朋友。

依家警察阻礙 游蕙禎 履行國會議員職務?

警方指 游蕙禎 非法集結期間,她係妥為當選嘅國會議員,係梁振英唔尊重民主,硬係要同金日成綜合大學校友張德江,玩埋啲北韓式手段,意圖DQ議員,但當時 游蕙禎 仍然未DQ嘅,所以警察有乜理由去調查兩位議員,呢種根本係滋擾,係梁振英呢個死變態佬,為咗滿足佢自己嘅私慾,同張曉明、張德江兩條人渣,濫用香港納稅人嘅錢,搞嘅政治逮捕。議員履行職務變成非法集結,根本係聞所未聞,聽都未聽過嘅奇談怪事嚟。

當然,梁振英呢種做法,都係白痴到爆,我唔知梁國雄同劉小麗兩位點諗,因為佢地後面啲政治關係,我搞唔清楚,但我睇,四位被DQ嘅議員,係一定要同 游蕙禎 梁頌恆 聯手抗戰,依家各有各籌嘅做法,唔單只無法凝聚力量,而且我個人十分之有理由相信,如果另外四位議員被DQ,梁振英仍然有效控制嘅政府一定會咁做,就算林鄭月娥明知呢種做法係硬膠,但佢唔會阻止到,因為林鄭月娥唔係真特首,只不過係加大碼嘅政務司司長,呢個形勢係越嚟越清晰嘅。特別羅冠聰嘅議員助理,其實就係香港眾志秘書長黃之鋒,黃之鋒已經係中共最想除之而後快嘅人,因此,梁振英同中聯辦十分之有誘因做呢件事,想公眾幫被DQ另外四個,就必須幫 游蕙禎 同梁頌恆。依家唔好講邊個係唔係鬼,雖然梁頌恆我唔信佢(十分之清楚),但咁嘅形勢,呢條友係鬼都係被人當棄置物,一齊煮埋落鑊,戰略上,講呢啲仲有乜意思至得㗎。

依家有兩個策略係要並行,首先,梁君彥啲黑材料要重新開始查落去,因為睇呢條友都扮演關鍵角色,佢啲生意好值得留意。另一方面,我睇法係, 游蕙禎 同梁頌恆終極上訴,大家都係捐錢去打,你當呢兩條友做咗另外四條友嘅proxy war。同樣,一旦 游蕙禎 同梁頌恆被DQ,都要幫羅冠聰、姚松炎諗計。劉小麗同梁國雄,我係有保留,但遲啲我再分析原因。不過,呢度嘅讀者,會估到嘅。

發表迴響

你的電子郵件位址並不會被公開。 必要欄位標記為 *