真本土-騎劫-min

土共騎劫 真本土 :學咗一進會

香港政治真係越嚟越黐線,明報出版社夠薑搵班土共,好似湯家驊、邱立本、屈穎妍呢啲人渣,寫本大中共膠為實嘅 真本土 嘅書,騎劫 真本土 嘅無恥程度,真係只有朝鮮王國同大韓帝國嘅韓奸組織一進會可以媲美,簡直你懷疑一進會班人渣全部投胎嚟香港。

學咗一進會仆街招騎劫 真本土

一進會係乜嘢仆街組織嚟,係清日甲午戰爭之後,韓國主張政治改革嘅團體,只不過,呢班契弟,一係就受日本扶植,根本係日本政府養啲狗嚟,一係好似李容九咁,原本反日,但被收買之後就親日親到仆街果啲。呢啲友仔以維持韓國獨立自主為名,實際係令韓國失去自主性,最後更公然主張韓日合邦,真係沒有最無恥,只有更無恥。所以一進會喺今日,被列為賣國組織,果啲頭目嘅後人全部真係被清算。(親日反民族行為人士,唔係學某啲香港政棍,連權都未攞就學人講清算,清佢個頭。)

依家湯家驊、陳莊勤,咪做咗當年李容九嘅角色,而屈穎妍呢啲,就係宋秉畯呢啲人嘅角色,雖然呢啲友仔,大家都知下場都同一進會一樣。一進會喺韓日合邦之後,朝鮮總督府俾咗一筆錢呢班茂利後就解散,當然李容九就另外仲有一筆錢賞賜俾佢,係得宋秉畯呢條仆街同佢個仔被封為日本貴族,喺1945年之前享盡榮華富貴,只不過1945年之後,就日本唔可以當佢係國民,而韓國人當佢係賊咁辦,到依家佢啲子孫都視為賣國賊之後,完全抬唔起頭做人。大家會估到,日後共產黨「最低限度」會點對付湯家驊、陳莊勤,以至屈穎妍呢啲人。仲要今日有榮華富貴都好,日後一旦中共瓦解,呢班友嘅下場都會十分之慘,今日抽水抽過龍,日後係要找數嘅。而依家華爾街日報公開呼籲當「一帶一路」係透明,因為中國隨時連數都唔找,咁大家可以諗吓,究竟中共仲可以捱幾耐,支爆係遲早發生,睇點發生,同遲早問題,中國畢竟唔係當年旭日初升嘅大日本帝國,大家都要俾番幾分薄面嘅新興強國,中國只不過係一個外強中乾嘅國家。

不過最好笑係,中聯辦班友真係當咗自己係統監府,學晒統監府啲路數,統監府果啲殘招,搞殖民統治係會出事。點解英國可以保留英聯邦,呢班豬腦自己用個腦諗吓喇。

發表迴響

你的電子郵件位址並不會被公開。 必要欄位標記為 *