發展局局長座駕-min

發展局局長座駕 被偷文件事件:事不尋常

發展局局長馬紹祥,喺25日晚上出席一項活動果陣,座駕發生偷竊案, 發展局局長座駕 裡面嘅iPad以及關於香港未來土地前途嘅文件被偷,十分之大鑊,因為呢啲文件一旦外洩,將會令個別公司有利。

發展局局長座駕 被偷文件非比尋常

由以上閉路電視片段,大家可以得出幾個可能簡單推論:

  1. 呢個賊仔,應該係幫會中人,係受僱於人偷嘢嘅文雀嚟
  2. 呢個賊仔一早知道要偷乜,而且知道目標係乜,同要偷果啲嘢係乜嚟,否則點會行動咁快手至得。如果偷車或偷錢,就一定係另一回事。
  3. 呢個賊仔係熟悉車輛嘅熟手技工嚟,一般人唔會知果啲扑撞風玻璃嘅鎚仔點用,但條友係買咗果啲鎚仔,一嘢搞掂,雖然淘寶要買唔貴嘅,淘寶係乜都有買,特別呢啲灰色嘢。

當然,依家成件事最大問題,係發展局局長馬紹祥本人要向公眾交代一下:

  1. 呢次被偷嘅iPad裡面有乜資料
  2. iPad用嘅iOS版本,以及型號
  3. 呢次被偷嘅文件,同乜嘢政策有關

而更大嘅疑惑係,點解馬紹祥嘅座駕行蹤,可以落入幫會中人手上?但可以肯定,如果知道果份文件係同乜政策有關,有可能知道呢次個賊幕後老闆想得到乜嘢。如果係涉及未來嘅發展計劃,特別係大灣區嘅發展藍圖,咁有可能中國嘅地產商千方百計想得到手,因為中國地產商唔識點樣喺唔觸犯香港法律下行賄,以及令官員做到佢想做嘅嘢,所以呢啲盲毛只會識得直接搶嘢,因為搵幫會中人搶嘢會快啲。

但大家仲要留意一單怪案,就係渣打銀行分行尊貴理財部門notebook失竊案,應該會涉及唔少中國豪客嘅資料,咁會唔會中紀委要某啲資料,但無辦法由正途攞到,所以搵幫會,或特工人員扮幫會成員咁樣偷資料,然後用嚟作為對付政敵嘅黑材料。郭文貴喺VOA爆料事件後,反映中國依家各派系為咗十九大,乜嘢底線都唔會理,唔爭在省港旗兵搵人喺香港市中心當眾冚友,連洗頭艇活捉活口都慳番,呢啲怪事發生得越多,香港就越危險。所以大家唔可以當呢單嘢係普通嘢嚟處理,呢單背後其實係十分之凶險,就係沒有最危險,只會更危險。我諗馬紹祥應該考慮做唔做落去,我怕防彈玻璃都保唔住佢條命。

發表迴響

你的電子郵件位址並不會被公開。 必要欄位標記為 *