黃永-min

黃永 做新聞統籌專員?唔X係嘛

有一個唔係問責官員嘅位,大家都好關注邊個做,呢個係白膏痔瘡膏發炎人馮萎肛做緊嘅新聞統籌專員呢個位,雖然以我收到嘅可靠消息,馮煒光雖然會離開政府,大家唔駛再忍呢件無恥嘅仆街,只不過,接痔瘡膏發炎人果個,一樣係勁惡頂人士,果個人叫黃伯康,亦即係大家熟悉嘅黃永先生。以我所知,依家黃永先生入職政府嘅申請,已經去到要做品格審查嘅階段,爭在幾時正式公布,當商台同CCTVB宣布黃永節目收檔果日,就係呢條友踢馮煒光出政府之時。

黃永 做新聞統籌專員一樣仆街

黃永 投身梁粉,係做咗好多功夫,先搞果個言論自由行,扮晒開明,跟住商台啲言論,又完全係擦鞋嘅,最惡頂嘅,當推佢同梁粉牙醫,香港電台顧問委員會主席陳健強一齊主持嘅CCTVB節目周末龍門陣,呢條友簡直搞臭當年龍門陣嘅金漆招牌。當一個咁處心積慮嘅人,打算做新聞統籌專員果陣,大家可以諗到林鄭月娥政府嘅所謂公關策略,或者新聞宣傳策略,將會又虛偽,又惡頂,唔好得過馮煒光太多。或者咁講,馮煒光係真小人,咁黃永就一定係偽君子。

黃永做林鄭月娥政府嘅新聞統籌專員,得兩個原因,一方面黃永做三年政務主任期間,做社會福利、規劃呢啲嘢,全部都係林鄭月娥過往主政嘅政策範疇,簡單嚟講,就係佢算係熟書,至少會熟過只係做過區議員,仲要做區議員期間乜建樹都無嘅馮煒光。另一方面, 黃永 夠無恥,雖然我係唔妥劉小麗,但係,劉小麗拍低2016年 黃永 喺全民退保諮詢會果種無恥,你覺得佢會好過馮煒光?

我可以咁講, 黃永 係用佢嘅無恥,去搏得佢嘅新聞統籌專員嘅位,但大家都知,馮煒光由於真係做公關公司,佢未入政府前得罪網民,但唔得罪傳媒, 黃永 係另一個故事,佢係得罪評論員兼得罪新聞界,新聞界有唔少人同佢有牙齒印,我都幾相信,一旦 黃永 做新聞統籌專員,大把傳媒人準備煮佢重米,本來林鄭月娥政府,已經十分之多關公災難,招待關公多過食飯,照依家嘅形勢睇,如果林鄭月娥政府繼續請埋啲廢柴入熱廚房,乾嘅廢柴係會引發大火,我呢鋪真係祝佢好運。

發表迴響

你的電子郵件位址並不會被公開。 必要欄位標記為 *