跟車太貼-min

跟車太貼 真係易生意外㗎:牛角AA制事件

食燒肉AA制男女互毆事件,好多人發現啲劇情越嚟越離奇,好多人都攞咗 跟車太貼 嘅圖出嚟,一方面用嚟抽人水,另一方面,都可以講係一種善意提醒,因為呢單案嘅案情,其實應該賣俾法國佬拍笑片,情節越嚟越有一陣法國笑片味道,真係編劇都寫唔出啲咁膠嘅情節。

跟車太貼 點解咁牙煙

成單案,其實原本版本基本情節,本來都有有少少常理:

  1. 男女雙方食咗2200燒肉,雖然喺日本標準,呢個價錢唔傻人發現案級數,但由於雙方有飲酒,香港食肆本來就賣酒果陣劏客,呢個幾乎係常識嚟,同埋食日本嚟啲肉,牛角係收呢個價錢,見怪不怪。
  2. 男人要女方AA制,喺香港確係有機會引發被女士襲擊嘅情況,但無論如何,男方還拖都係傻仔
  3. 同樣,雙方飲過酒,飲咗酒就一定大家唔會太清醒,酒量呢家嘢,我唔曉評斷

但呢單嘢已經有啲伏味,因為2200果張單,已經可以有其他可能性,所以 跟車太貼 真係唔知會唔會中伏,所以我點解忍手唔寫,呢單嘢無公共性仲要有伏味,如果評果陣中伏,你唔慌唔係伏爾泰嘅細佬伏已中。但牛角管理層披露更多案情後,呢單嘢不如當法國笑片寫算,點解,笑位包括咗:

  1. 女方主動要AA制,出五舊水。夠唔夠唔知。
  2. 男方竟然撕爛咗五舊水,情節去到呢度,已經全世界啞晒。
  3. 更啞晒係,係男女雙方竟然因此互毆,簡直周星馳都寫唔出呢啲咁膠嘅情節。
  4. 而啲因之前嘅版本甲寫咗一大堆偉論嘅人,見到版本乙急急轉軚,就仲好笑。

呢件事,簡直係探討gender issue同人性嘅最佳劇本嚟,花生友嘅表現,乜嘢叫stereo type,女性同男性嘅地位,大男人主義,甚至Go Dutch呢樣嘢,可以喺一套荒謬絕倫嘅電影度討論晒,甚至事後,依家搞到膠成咁,男女主人翁嘅互動,本身都一堆笑位或者反省位等住嚟,我諗電影編劇其實至係最有興趣研究呢單嘢果條友,因為呢啲情節正式典型法式笑片嘅情節,花生位多到呢。

不過,香港導演裡面,彭浩翔我仲收貨,如果葉念琛咪搞呀,葉生可以將套笑片又變成一套專為鄧麗欣度身訂造電影,敬謝不敏。

發表迴響

你的電子郵件位址並不會被公開。 必要欄位標記為 *