石田雄介-min

蔣介石個日文名係乜: 石田雄介

蔣介石留過日,呢個無乜爭議。但蔣介石用過乜嘢日本名,以及蔣介石係唔係日本陸軍士官學校嘅校友,呢個係一直有所爭論。依家PTT有人搵到一份日本國立公文書館嘅檔案,蔣介石係有日文名,叫 石田雄介 ,而蔣介石亦唔係訛稱第六期日本陸軍士官學校嘅學生,而係日本政府認定係日本陸軍士官學校嘅校友,唔係好似中共鳳凰網老吹,係蔣介石偽造學歷。我真係覺得,中共亂吹歷史亂到仆街。

石田雄介 即 蔣介石

呢份檔案,係大正三年八月(1914年),日本駐哈爾濱使館俾外務大臣加藤高明嘅函件,文件內容講,日本要點協助孫逸仙隊冧袁世凱政府,當時滿鐵明顯有份參與,而文件中有一段好重要,

石田雄介-min
石田雄介-min

上海滿鐵出張所員石田雄介(實日本士官學校出身支那人蔣介石當二十七年)

呢份日本政府內部文件,清楚講咗三個事實,

  1. 日本係動用滿鐵去扶助孫中山政權,到1914年,孫中山都係接受日本資助,講漢奸,幾時孫中山都係天字第一號,如果抗日咁重要嘅話
  2. 石田雄介 係蔣介石用嘅名,偽裝成滿鐵公司日籍員工,咁仆街都得。
  3. 日本政府官方文件證實,蔣介石係日本士官學校出身,蔣介石係日本陸軍士官學校校友,佢個學位唔係買返嚟或偽冒,鳳凰網果啲對蔣介石喺呢方面嘅抹黑,完全有違史實。唔鍾意蔣介石係你共產黨嘅事,但事實係唔可以歪曲。日本政府,唔會喺呢啲文件問題上搞錯
  4. 維基中文完全係xyz,丁人傑條目,寫蔣介石用石田介雄都夠膽死,對日本國立公文書館文件作source駛死嘅咩?證明中文維基有毒

咁點解蔣介石要用「捐錢」形話自己係陸士六期生,而唔堂堂正正話自己係陸士廿四期畢業生,我相信真正原因,因為日本有私底下違反《日清協議》,俾同盟會人接受日本陸軍士官學校嘅訓練,呢啲嘢係唔披露得,所以就咁玩,因此,蔣介石明明係陸士校友,都不能披露。但由於蔣介石係陸士大師兄,所以後嚟白團蔣介石可以食住班日本皇軍將領,如果大家都係陸士人,咁就好易解得通。東京振武學堂出嚟,東京振武學堂作為預備學校,可以食住一大棚陸士校友?反而就講唔通。

我諗我喺香港接受英式歷史教育最大好處係,係唔會亂睇檔案。

發表迴響

你的電子郵件位址並不會被公開。 必要欄位標記為 *