香港旅遊-min

香港旅遊 係俾班仆街旅遊佬搞衰晒

當同我一樣有亞氏保加症嘅台北市長柯文哲話香港無嘢玩果陣,有班台灣人,竟然專登喺旅發局安排下,試吓租旗袍嚟香港玩,當然,呢個係體驗花樣年華果種王家衛風味。旅發局,終於為 香港旅遊 做咗少少嘢。喺一個自由行盛行嘅年代,人人玩深度遊果陣,無文化嘅香港旅遊「業界」人士,將 香港旅遊 搞衰晒。

香港旅遊 只得shopping?

成日話香港係「購物天堂」,天堂你個頭,依家變咗地獄好耐。香港啲旅遊佬以前劏日本人,依家劏中國人,日日諗住劏人,唔記得係一個expedia。trivago(搵酒店?佢嘅廣告口號變咗句爛gag),橫行嘅年代, 香港旅遊 唔係靠劏,要玩劏客嘅,唔該旅遊界班業界人士同我收工,呢啲劏客行為會搞臭香港個朵。香港嘅魅力,係文化價值,而香港最大嘅文化寶庫,其實係電影。花樣年華果種風情,其實唔留得好耐,林鄭月娥呢個無文化人士做特首一定縱容地產商拆拆拆,特別果啲無修養嘅中資地產商,隨時衰過本地資本果班友,大家睇中國啲樓盤質素就知。

除咗《花樣年華》,其實好多電影都可以係文化寶藏,我一直唔明點解,政府唔買番李小龍故居,起李小龍紀念館,係唔係中國政府有消滅香港文化嘅潛藏議題,因為李小龍主張嘅武道,係會威脅中國政府嘅統治,中國政府同滿清帝國班仆街係無分別。但除咗李小龍,好似最近果套《攻殻機動隊》,我睇果陣十分之覺得時空錯亂,因為大量場景,好似中環恆生總行門口、中環中心(阪華機械總部係中環中心大堂嚟)、勵德邨(草薙素子被改造前住嘅地方)、鰂魚涌啲舊樓、大角咀、旺角,甚至銅鑼灣怡和街圓型天橋(不法區草薙素子被擄走嘅地方),甚至薄扶林基督教墳場(果個景我見到果陣,係笑咗)等等,果啲係我每日生活嘅地方,但變咗一個科幻戰場,呢樣嘢唔係對旅遊人士極好玩嘅一個體驗,甚至可以視為如果《攻殻機動隊》反映係未來,咁香港就係一個「前未來」嘅世界,唔係勁好玩咩,但好明顯,我們香港搞旅遊班友,cyberpunk真係識條鐵。

香港要振興旅遊業,第一件事要清理「業界」啲無文化人士,否則,難搞也。

發表迴響

你的電子郵件位址並不會被公開。 必要欄位標記為 *