谷阿莫-Fair Use-TVBS-min

谷阿莫 嘅片係Fair Use,有乜好爭議

谷阿莫 嘅X分鐘睇完一套片系列,一直都好受歡迎,其實如果照美國嘅fair use定義, 谷阿莫 嘅片係好安全,因為 谷阿莫 成套片,一套有成120分鐘嘅電影,用得果十分鐘,甚至五分鐘 其實佔嘅portion極細,喺美國真係無律師咁得閒郁佢。但台灣就唔同,由於fair use嘅定義搞得唔夠好,結果被版權持有人以著作權法搞佢。

谷阿莫 嘅片有乜問題

谷阿莫 嘅片,有啲版權人認為有問題,一方面, 谷阿莫 果種X分鐘睇電影,係十分之辛辣嘅影評,對爛片尤其大鑊,另一方面, 谷阿莫 嘅講法,係嚴重嘅劇透,咁劇透呢家嘢,有啲老派版權持有人認為絕對唔得,當然更加唔駛講好似馮添枝呢啲版權塔利班,講fair use好似死老豆一樣。但如果照fair use精神嚟講,點劇透,都分分鐘唔夠片商啲trailer劇透,好多trailer嘅內容,其實已經係成套片最精華嘅內容,況且, 谷阿莫 嘅講古片,好多係唔用原裝聲帶,只有佢獨特聲線嘅voice over,仲避埋其實最麻煩,係連電影製作者都認為好麻煩嘅音樂版權,所以, 谷阿莫 同律師傾過,好有信心亦係有解,而 谷阿莫 相信亦會係台灣改革版權法律嘅主要推手,台灣應該向新加坡師法,向美國式 fair use 嘅玩法進發最好,我相信台灣無咁多好似馮添枝一樣,完全仲想地球停止轉動,去遷就啲大唱片公司嘅撚樣。

但係, 谷阿莫 呢單嘢,最大問題唔係版權持有人走去搵警察同政府,呢個係佢嘅法定權利,而 谷阿莫 嘅玩合唔合法,攞上法院辯論都係好事,最大問題係啲版權持有人走去搵TVB-S搞 谷阿莫 ,呢啲同勝之不武有乜撚分別,你同我講。TVB-S 雖然已經由王雪紅全資買落嚟,唔再係香港TVB嘅附屬公司,但TVB-S抹黑任何王雪紅嘅敵人,包括綠營以至年青人嘅做法,十分之無恥,所以我一向都唔買HTC電話,因為HTC係王雪紅,王雪紅條仆街喺香港同台灣留落嘅蘇州屎仲唔夠多,呢條友根本係香港同台灣嘅共同敵人,要買Android 電話大把公司可以買,唔駛買HTC,呢個亦係杯葛仆街傳媒嘅方法嚟。

發表迴響

你的電子郵件位址並不會被公開。 必要欄位標記為 *