北韓-人肉盾牌-min

北韓 係咁捉人肉盾牌:似會堅打

喺 北韓 建軍節前夕,美軍三個航空母艦戰鬥群駛近朝鮮半島,並且同日軍聯合演習,美、日、中三國領袖頻頻對話,而有件事更明顯,就係 北韓 建軍節居然唔大肆慶祝,以及 北韓 頻頻捉美國公民唔知做乜,應該係攞嚟做人質,而美國並無特別出聲。

北韓 似會堅準備作戰

如果 北韓 唔會真係打,一般會透過建軍節嚟虛張聲勢,例如大規模慶祝,然後又好似太陽節咁播啲好膠嘅片,咁即係未準備好。但建軍節竟然唔慶祝,同埋係咁捉美國公民,咁係另一個問題,捉美國公民,即係 北韓 已經搜集緊人肉盾牌,而且呢啲人肉盾牌好大機會部署喺有核武、導彈嘅地方,防止美軍空襲,如果有美國公民死嘅話, 北韓 以為特朗普唔會承擔起呢個後果,所以無論美國定中國,都唔炸 北韓 果啲軍事據點。

當然,特朗普唔會咁諗,一如廣島原爆果日,其實廣島都有英美戰俘,但當有重大戰爭果陣,呢啲平民只能講,真係無法拯救,只能等死,呢個唔係美國唔想救,而係救佢嘅唯一方法就係開拖,學奧巴馬咁為呢啲美國公民唔開拖仲談判,大家睇到呢幾年根本係養虎為患,相信用美國公民做人肉盾牌呢樣嘢,只會引發美國輿論進一步憤怒,而唔會阻止美國繼續喺 北韓 嘅軍事行動,特別依家難得中國隨時合作喺朝鮮半島上面搞掂 北韓 ,都係果句,只要美日兩國答應喺現有 北韓 同中國邊境劃出緩衝區,可能中國任由大韓民國向北進軍收拾殘局,包括取得平壤、開城等城市,係鴨綠江同長白山,以及新義州變成中韓兩國軍事緩衝區,依家越嚟越似咁玩,否則中國唔會喺石油出口問題上,咁樣同美國充分合作,呢種合作如果無任何事前嘅利益交換或軍事協議,中國係唔可能咁樣對住 北韓 嘅。

所以依家如果無正經嘢,根本唔應該去 北韓 ,無論你揸乜嘢護照,因為依家隨時係只要係有可能針對金正恩政權嘅國家,佢地嘅國民都可能攞嚟做人肉盾牌,金正恩邊一日可以當佢正常人看待至得,呢啲狂徒國家都係少去為妙,其實中國政府都要注意北韓會否喺香港、澳門、上海等地擄走外國人,甚至本國人用嚟做人肉盾牌,金日成、金正日做得出嘅嘢,金正恩一樣做得出。

發表迴響

你的電子郵件位址並不會被公開。 必要欄位標記為 *