法國左膠-min

法國左膠 同香港左膠 嘅分別

一般嚟講,我叫香港啲左膠叫左癌,白痴唔緊要,一事無成變成癌腫瘤就好無謂。而 法國左膠 喺法國總統大選後,屌票屌到上街燒車,就你明點解,我一直都睇唔起香港果啲,只係識搞中共式陰謀詭計打自己友而一事無成嘅香港左癌。膠唔係罪,但癌係要清理。

法國左膠 係好膠,但會做嘢

法國左膠 真係好膠,左膠幾個膠黨大亂鬥,都唔知鬥乜春,右派又係幾個大亂鬥,否則點會Le Pen攞到第二,如果社會黨膠少陣,同不屈法國(La France insoumise)整合,隨時第二輪選舉已經係左鬥左,雖然果陣右派應該會全部倒票俾En Marche!。所以話乜叉嘢反對資本主義,又反對法西斯,你班友講乜春啫,大家有無覺得呢種膠論好似曾相識,無錯,果班白票黨。所以,戴高樂將軍決定用兩輪投票制決定總統,簡直係偉大嘅設計,否則 法國左膠 嘅膠力,膠到亡國都未掂。

法國左膠 一定係膠,但佢地有樣好,就係佢地有堅革命嘅傳統,話勇武屌票,真係屌俾你睇,屌到燒車,屌到破壞街上商店,無錯,我絕對唔認同呢啲硬膠行為,但 法國左膠 膠極,都有做嘢,唔會只講不做。大家睇吓左膠同熱城兩班硬膠,左膠就先喺特首選舉後繼續搞薯粉,跟住又喺中大搞梁振英式DQ投票,針對本土派嘅民選代表會代表,而熱城更柒,喺facebook搞清算名單,清算到睇幾時連黃毓民都清算埋,呢啲友,匿喺後面,真係好鬼無敵,但要佢地真係走出嚟為佢地所相信嘅付出代價,你就想,呢班友個個都係keyboard general,仲衰過我地研究戰略果啲,特別係研究戰史果啲,成日用英文armchair general去自嘲。

香港左癌最鍾意將對準政權掛喺嘴邊,但問心果句,呢班仆街幾時有真係對準政權過?相反, 法國左膠 膠還膠,但至少佢地係知道個政權係乜事,雖然 法國左膠 有一樣同香港左癌係一樣咁失敗,就係除咗勇於內鬥外,亦提唔出任何替代方案。 Em Marche! 嘅候選人,其實係社會黨出身,理論上都係左翼人士,只不過左膠太膠果陣,就要走出嚟自立門戶。呢次法國選民,做咗佢地應有嘅判斷。

發表迴響

你的電子郵件位址並不會被公開。 必要欄位標記為 *